Beth a sut rydym ni'n ei arolygu Archives - Page 2 of 7 - Estyn

Math o Arweiniad Arolygu: Beth a sut rydym ni'n ei arolygu

Math o Arweiniad Arolygu: Beth a sut rydym ni'n ei arolygu

Rhannu'r dudalen hon
Mae dysgwr yn derbyn arweiniad gan hyfforddwr wrth ddefnyddio offer mewn gweithdy hyfforddi, yn sefyll wrth ymyl peiriant sydd wedi’i amgáu gan sgrin ddiogelwch.

Mae’r llawlyfr hwn yn amlinellu ein hymagwedd at arolygu darparwyr rhaglenni prentisiaethau o 2024 ymlaen. Mae’n esbonio sut rydym yn arolygu. Mae’r arweiniad yn ddeunydd darllen hanfodol ar gyfer arolygwyr cofnodol a phob aelod arall o’r tîm arolygu. Gallai fod yn ddefnyddiol ar gyfer darparwyr i gefnogi eu dealltwriaeth o’r meddylfryd arolygu a methodolegau hefyd.

Dylid darllen yr arweiniad ochr yn ochr â’r arweiniad ‘Beth rydym yn ei arolygu’ mewn darparwyr rhaglenni prentisiaethau dysgu yn y gwaith, sy’n amlinellu’r fframwaith arolygu. Gall darparwyr ddefnyddio’r arweiniad hwn i weld sut mae arolygiadau’n gweithio a’u helpu i gryfhau eu prosesau hunanasesu a gwella eu hunain.

Pan fydd yr arolygiad yn nodi arfer sy’n werth ei rhannu, bydd arolygwyr yn gwahodd y darparwr i ysgrifennu astudiaeth achos y byddwn yn ei chyhoeddi ar ein gwefan. Pan fydd yr arolygiad yn nodi pryderon pwysig mewn perthynas â safonau, ansawdd yr addysg a’r hyfforddiant neu arweinyddiaeth a rheolaeth, byddwn yn trefnu gweithgarwch dilynol i gefnogi gwelliant.  Mae arweiniad ar y gwahanol fathau o weithgarwch dilynol ar gael ar ein gwefan.

Mae rhagor o wybodaeth am arolygiadau ar gael ar ein gwefan, sef www.estyn.llyw.cymru

Math o Arweiniad Arolygu: Beth a sut rydym ni'n ei arolygu

Rhannu'r dudalen hon
Hyfforddwr a dysgwr yn gweithio gyda’i gilydd mewn gweithdy, yn adolygu mesuriadau a chynlluniau wrth fainc gwaith coed wedi’i hamgylchynu gan offer a deunyddiau.

Mae’r llawlyfr hwn yn amlinellu’r hyn y mae angen i arolygwyr ei ystyried wrth werthuso’r pedwar maes arolygu mewn darparwyr prentisiaethau dysgu yn y gwaith. Mae’n esbonio ‘Beth rydym yn ei arolygu’. Dylid ei ddarllen ar y cyd â’r ddogfen ‘Sut rydym yn arolygu’, sy’n amlinellu ein hymagwedd at arolygu. Mae llawlyfr ar wahân o’r enw ‘ Sut rydym yn arolygu’ sy’n esbonio’r broses a’r fethodoleg arolygu.

Mae’r arweiniad yn ddeunydd darllen hanfodol ar gyfer arolygwyr cofnodol a phob aelod arall o’r tîm arolygu, yn cynnwys yr enwebai. Gall fod yn ddefnyddiol ar gyfer darparwyr i gefnogi eu dealltwriaeth o’r arweiniad arolygu hefyd. Mae llawlyfr ar wahân sy’n esbonio’r broses a’r fethodoleg arolygu, sef ‘Sut rydym yn arolygu’.

Mae’r pedwar maes arolygu wedi’u hamlinellu isod:

Meysydd arolygu

MA1 – Dysgu

1.1  Safonau a chynnydd mewn dysgu a medrau

1.2 Agweddau at ddysgu

IA2 – Lles, cymorth ac arweiniad

2.1 Datblygiad personol a’r effaith ar les

2.2 Diogelu

IA3 – Addysgu, hyfforddi, asesu a phrofiadau dysgu

3.1 Ehangder, cydbwysedd a phriodoldeb y ddarpariaeth

3.2 Ansawdd yr addysgu, hyffforddi ac asesu

IA4 – Arweinyddiaeth a rheolaeth

4.1 Ansawdd ac effeithiolrwydd arweinwyr a rheolwyr

4.2 Prosesau hunanwerthuso a chynllunio gwelliant

4.3 Dysgu proffesiynol

Math o Arweiniad Arolygu: Beth a sut rydym ni'n ei arolygu

Rhannu'r dudalen hon

Mae’r llawlyfr hwn yn amlinellu ein hymagwedd at arolygu colegau addysg bellach o 2024. Mae’n esbonio sut rydym yn arolygu. Defnyddir y term ‘darparwr’ trwy gydol y ddogfen hon i gyfeirio at y coleg neu unrhyw grŵp o golegau sy’n gweithredu o dan un strwythur grŵp. Mae’r arweiniad yn ddeunydd darllen hanfodol i arolygwyr cofnodol a holl aelodau eraill y tîm arolygu. Gallai fod yn ddefnyddiol i ddarparwyr hefyd i ategu eu dealltwriaeth o’r meddylfryd a methodolegau arolygu.

Dylid darllen yr arweiniad ochr yn ochr ag arweiniad ‘Beth rydym yn ei arolygu’ ar gyfer addysg bellach, sy’n amlinellu’r fframwaith arolygu. Gall darparwyr ddefnyddio’r arweiniad hwn i weld sut mae arolygiadau’n gweithio a’u helpu i gryfhau eu prosesau hunanwerthuso a gwella eu hunain.

Pan fydd yr arolygiad yn nodi arfer sy’n werth ei rhannu, bydd arolygwyr yn cynnwys sbotolau ar yr arfer hon fel rhan o’r adroddiad am yr arolygiad. Pan fydd yr arolygiad yn nodi pryderon pwysig yn ymwneud â safonau, ansawdd yr addysg a’r hyfforddiant neu arweinyddiaeth a rheolaeth, byddwn yn trefnu gweithgarwch dilynol i gefnogi gwelliant. Cyflwynir arweiniad ar weithgarwch dilynol ar ddiwedd y ddogfen hon.

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon

    Mae’r arweiniad hwn yn amlinellu’r ffordd y byddwn ni’n cynnal arolygiadau o wasanaethau addysg llywodraeth leol (GALlL) o Fedi 2024. Dylech ei ddarllen ochr yn ochr â’n harweiniad ar ‘Beth rydym yn ei arolygu mewn darparwyr rhaglenni prentisiaethau’ dan arolygiadau GALlL.

    Mae gwasanaethau addysg llywodraeth leol yn cwmpasu swyddogaethau addysg statudol yr awdurdod lleol ar gyfer plant a phobl ifanc hyd at 25 oed. Mae hyn yn cynnwys gwasanaethau addysg a ddarperir ar ran awdurdod lleol gan:

    • wasanaeth gwella ysgolion
    • partneriaeth rhwng dau awdurdod lleol neu fwy
    • sefydliad arall a gomisiynwyd gan yr awdurdod lleol (er enghraifft sefydliad gwirfoddol neu gwmni preifat)

    Gallai’r darparwyr eraill hyn neu’r gwasanaethau ar y cyd gael eu harolygu ar wahân i awdurdod lleol a chyfeirir atynt yn yr arweiniad hwn fel ‘darparwyr eraill gwasanaethau addysg’. Yn yr arolygiadau hyn, byddai arolygwyr ond yn cymhwyso’r rhannau o’r fframwaith sy’n cwmpasu’r gwasanaethau addysg perthnasol.

    Hefyd, mae’r arweiniad hwn yn amlinellu sut y byddwn yn mynd ar drywydd awdurdodau lleol, gwasanaethau a gomisiynwyd neu wasanaethau partneriaeth sy’n peri pryder sylweddol.

    Gall awdurdodau lleol a’u partneriaid ddefnyddio’r arweiniad hwn i ddeall sut byddwn ni’n cynnal arolygiadau. Gallai eu helpu hefyd i hunanwerthuso a chynllunio ar gyfer gwelliant.

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon

    Mae’r llawlyfr hwn yn amlinellu beth rydym yn ei arolygu mewn arolygiadau o wasanaethau addysg llywodraeth leol (GALlL). Dylid ei ddarllen ar y cyd â llawlyfr ar wahân ‘Sut rydym yn arolygu’, sy’n esbonio’r broses a’r fethodoleg arolygu.

    Mae’r arweiniad yn ddeunydd darllen hanfodol i arolygwyr cofnodol a phob aelod arall o’r tîm arolygu, gan gynnwys yr enwebai. Bydd hefyd yn ddefnyddiol i ddarparwyr i ategu eu dealltwriaeth o’r arweiniad arolygu.

    Mae gwasanaethau addysg llywodraeth leol yn cynnwys swyddogaethau addysg statudol yr awdurdod lleol i blant a phobl ifanc hyd at 25 oed. Mae hyn yn cynnwys gwasanaethau addysg sy’n cael eu darparu ar ran awdurdod lleol gan:

    • wasanaeth gwella ysgolion
    • partneriaeth rhwng dau neu fwy o awdurdodau lleol
    • sefydliad arall wedi’i gomisiynu gan yr awdurdod lleol (er enghraifft, mudiad gwirfoddol neu gwmni preifat)

    Gallai’r darparwyr eraill hyn gael eu harolygu ar wahân i awdurdod lleol a chyfeirir atynt yn yr arweiniad hwn fel ‘darparwyr eraill gwasanaethau addysg’. Yn yr arolygiadau hyn, byddai arolygwyr ond yn cymhwyso’r rhannau o’r fframwaith sy’n cwmpasu’r gwasanaethau addysg perthnasol. Darllenwch ein harweiniad ‘Sut rydym yn arolygu’ am ragor o wybodaeth.

    Mae dau faes arolygu mewn arolygiadau GALlL, fel yr amlinellir isod.

    Meysydd arolygu

    Maes arolygu 1. Gwasanaethau addysg a’u heffaith
    1.1 Gwasanaethau gwella ysgolion
    1.2 Cymorth i ddysgwyr bregus
    1.3 Gwasanaethau cymorth eraill

    Maes arolygu 2: Arwain a gwella
    2.1 Ansawdd ac effeithiolrwydd arweinwyr a rheolwyr
    2.2 Hunanwerthuso a chynllunio ar gyfer gwella
    2.3 Trefniadau diogelu
    2.4 Defnyddio adnoddau

    Mae arolygiadau o wasanaethau addysg llywodraeth leol yn cynnwys arolygiad o unrhyw rai o’r canlynol:

    • awdurdod lleol
    • gwasanaeth gwella ysgolion
    • gwasanaeth partneriaeth rhwng dau neu fwy o awdurdodau lleol i ddarparu
      unrhyw wasanaethau addysg
    • gwasanaeth addysg a gomisiynwyd gan awdurdod lleol neu grŵp o
      awdurdodau lleol

    Byddwn yn cynnal arolygiadau ar wahân o waith ieuenctid awdurdodau lleol ac addysg drochi Cymraeg o fis Medi 2024 ymlaen. Yn achos y gwasanaeth ieuenctid statudol, caiff yr arolygiadau eu cynnal bedair wythnos cyn yr arolygiadau GALlL fel bod y canfyddiadau’n llywio agweddau perthnasol ar arolygiad GALlL yr ALl.

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon
    Hyfforddwr a dysgwr yn gweithio gyda’i gilydd mewn gweithdy, yn adolygu mesuriadau a chynlluniau wrth fainc gwaith coed wedi’i hamgylchynu gan offer a deunyddiau.

    Mae’r llawlyfr hwn yn amlinellu ein hymagwedd at arolygu gwaith ieuenctid. Mae’n esbonio sut rydym yn arolygu. Mae’r arweiniad yn ddeunydd darllen hanfodol i arolygwyr cofnodol a holl aelodau eraill y tîm arolygu. Gallai fod yn ddefnyddiol i ddarparwyr hefyd i ategu eu dealltwriaeth o’r meddylfryd a methodolegau arolygu.

    Dylid darllen yr arweiniad ochr yn ochr â ‘Beth rydym yn ei arolygu’ ar gyfer gwaith ieuenctid, sy’n amlinellu’r fframwaith arolygu. Gall ysgolion ac UCDau ddefnyddio’r arweiniad hwn i weld sut mae arolygiadau’n gweithio a helpu llywio’u prosesau hunanasesu a gwella’u hunain.

    Pan fydd yr arolygiad yn nodi arfer a allai fod yn ddefnyddiol i ddarparwyr eraill, bydd arolygwyr yn gwahodd y darparwr i ysgrifennu astudiaeth achos y byddwn yn ei chyhoeddi ar ein gwefan. Pan fydd yr arolygiad yn nodi pryderon pwysig yn ymwneud â safonau, ansawdd y ddarpariaeth a hyfforddiant neu arweinyddiaeth a rheolaeth, byddwn yn trefnu gweithgarwch dilynol i gefnogi gwelliant.

    Mae rhagor o wybodaeth am arolygiadau ar gael ar ein gwefan, sef www.estyn.llyw.cymru

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon

    Mae’r llawlyfr hwn yn amlinellu ein hymagweddau at arolygu darparwyr Cymraeg i Oedolion o 2024. Mae’n esbonio sut rydym yn arolygu. Mae’r arweiniad yn ddeunydd darllen hanfodol i arolygwyr cofnodol a holl aelodau eraill y tîm arolygu. Gallai fod yn ddefnyddiol i ddarparwyr hefyd i ategu eu dealltwriaeth o drefniadau arolygu, y meddylfryd arolygu a methodolegau arolygu.

    Dylid darllen yr arweiniad ochr yn ochr ag arweiniad ‘Beth rydym yn ei arolygu’ ar gyfer darparwyr Cymraeg i Oedolion, sy’n amlinellu’r fframwaith arolygu ar gyfer arolygiadau llawn. Gall darparwyr ddefnyddio’r arweiniad hwn i weld sut mae arolygiadau’n gweithio a’u helpu i gryfhau eu prosesau hunanasesu a gwella eu hunain. Ar gyfer arolygiadau â thema, byddwn yn ysgrifennu at ddarparwyr bob blwyddyn yn amlinellu’r ffocws ar gyfer y flwyddyn, a’n hymagwedd.

    Pan fydd yr arolygiad yn nodi arfer sy’n werth ei rhannu, bydd arolygwyr yn cynnwys sbotolau ar yr arfer hon fel rhan o’r adroddiad arolygu. Byddwn yn arddangos ystod o’r sbotoleuadau hyn, ac mewn rhai achosion, astudiaethau achos manylach ar ein gwefan. Dylai argymhellion roi syniad clir a phenodol i’r darparwr o’r meysydd i’w gwella y bydd angen iddo fynd i’r afael â nhw. Bydd y cynnydd yn erbyn argymhellion yn cael ei fonitro yn yr arolygiad dilynol o’r Ganolfan Dysgu Cymraeg Genedlaethol. Gallai arolygwyr hefyd ystyried cynnydd yn erbyn argymhellion o fewn gwerthusiadau cyfnodol o waith darparwyr.

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon

    Mae’r llawlyfr hwn yn amlinellu’r hyn y mae angen i arolygwyr ei ystyried wrth werthuso’r tri maes arolygu mewn arolygiad llawn o ddarparwyr Cymraeg i Oedolion (Dysgu Cymraeg). Mae’n esbonio ‘Beth rydym yn ei arolygu’. Mae’r arweiniad yn ddeunydd darllen hanfodol ar gyfer arolygwyr cofnodol a phob aelod arall o’r tîm arolygu, yn cynnwys yr enwebai. Gallai fod yn ddefnyddiol hefyd i ddarparwyr gefnogi eu dealltwriaeth o’r arweiniad arolygu. Mae llawlyfr ar wahân sy’n esbonio’r broses a’r fethodoleg arolygu, sef ‘Sut rydym yn arolygu’.

    Mae’r tri maes arolygu wedi’u hamlinellu isod:
    MA1: Addysgu a dysgu
    MA2: Lles, gofal, cymorth ac arweiniad
    MA3: Arwain a gwella

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon
    Grŵp o bobl ifanc ac oedolion yn eistedd o amgylch bwrdd yn cymryd rhan mewn gweithgaredd celf a chrefft creadigol mewn lleoliad cymunedol.

    Mae’r llawlyfr hwn yn amlinellu beth mae angen i arolygwyr ei ystyried wrth werthuso’r pum maes arolygu mewn gwasanaethau gwaith ieuenctid. Mae’n esbonio ‘Beth rydym yn ei arolygu’. Dylid ei ddarllen ar y cyd â’r ddogfen ‘Sut rydym yn arolygu’.

    Mae’r arweiniad yn ddeunydd darllen hanfodol ar gyfer arolygwyr cofnodol a holl aelodau eraill y tîm arolygu, gan gynnwys yr enwebai. Gallai fod yn ddefnyddiol i ddarparwyr gefnogi eu dealltwriaeth o’r arweiniad arolygu, hefyd. Mae llawlyfr ar wahân sy’n esbonio’r broses a’r fethodoleg arolygu, sef ‘Sut rydym yn arolygu’.

    Mae’r tri maes arolygu wedi’u hamlinellu isod.

    Meysydd arolygu
    1 – Sut mae gwaith ieuenctid yn helpu pobl ifanc i gyflawni eu potensial?
    1.1 Addysgiadol
    1.2 Mynegiannol
    1.3 Cyfranogol
    1.4 Cynhwysol
    1.5 Grymusol

    2 – Beth gall pobl ifanc ei ddisgwyl gan ddarpariaeth gwaith ieuenctid
    2.1 Ansawdd gwaith ieuenctid
    2.2 Y Cynnig Cyffredinol (darpariaeth gwaith ieuenctid ar gyfer yr holl bobl ifanc)
    2.3 Cymorth ar gyfer pobl ifanc fregus

    3 – Arwain a gwella
    3.1 Ansawdd ac effeithiolrwydd arweinwyr a rheolwyr
    3.2 Prosesau hunanwerthuso a chynllunio gwelliant
    3.3 Dysgu proffesiynol
    3.4 Diogelu

    Math o Arweiniad Arolygu: Beth a sut rydym ni'n ei arolygu

    Rhannu'r dudalen hon
    Dau o blant ifanc yn cwblhau gweithgareddau ysgrifennu mewn ystafell ddosbarth.

    Mae’r llawlyfr hwn yn amlinellu ein hymagweddau at arolygu trefniadau trochi yn y Gymraeg mewn awdurdodau lleol. Mae’n esbonio sut rydym yn arolygu. Mae’r arweiniad yn ddeunydd darllen hanfodol i arolygwyr cofnodol a holl aelodau eraill y tîm arolygu. Gallai fod yn ddefnyddiol i ddarparwyr hefyd i ategu eu dealltwriaeth o’r meddylfryd a methodolegau arolygu.  

    Dylid darllen yr arweiniad ochr yn ochr â ‘Beth rydym yn ei arolygu’, sy’n amlinellu’r fframwaith arolygu. Gall awdurdodau lleol a darpariaethau trochi yn y Gymraeg ddefnyddio’r arweiniad hwn i weld sut mae arolygiadau’n gweithio.

    Pan fydd yr arolygiad yn nodi arfer sy’n werth ei rhannu, bydd arolygwyr yn cynnwys ciplun ar yr arfer hon fel rhan o’r adroddiad arolygu. Pan fydd yr arolygiad yn nodi pryderon pwysig yn ymwneud â safonau, ansawdd y ddarpariaeth a hyfforddiant neu arweinyddiaeth a rheolaeth, byddwn yn trefnu gweithgarwch dilynol i gefnogi gwelliant. Mae arweiniad ar weithgarwch dilynol ar gael ar dudalen 13 y llawlyfr hwn.

    Mae rhagor o wybodaeth am arolygiadau ar gael ar ein gwefan, sef www.estyn.llyw.cymru