Ceisiadau gwybodaeth

Mae’r Ddeddf Rhyddid Gwybodaeth yn rhoi’r hawl i chi weld y wybodaeth sydd gennym. Mae’r Rheoliadau Gwybodaeth Amgylcheddol yn darparu’r gallu i chi weld gwybodaeth amgylcheddol sydd gennym.

Mae gennych yr hawl hefyd i ofyn a ydym yn defnyddio neu’n storio eich gwybodaeth bersonol.  

Gallwch ofyn i ni am gopïau o’ch gwybodaeth bersonol. Yr enw ar hyn yw’r hawl mynediad ac mae hefyd yn cael ei galw’n gwneud cais am fynediad at ddata gan y testun, SAR neu DSAR. 

Polisi Mynediad at Wybodaeth 

Adnoddau eraill

Gallwch ddod o hyd i gyngor ar wneud ceisiadau effeithiol am wybodaeth ar wefan Swyddfa’r Comisiynydd Gwybodaeth.

Cysylltwch â ni

I wneud cais Rhyddid Gwybodaeth (FOI) neu gais dan y Rheoliadau Gwybodaeth Amgylcheddol (EIR), anfonwch neges e-bost at foirequests@estyn.gov.wales 

Ar gyfer ceisiadau hawliau diogelu data, gan gynnwys gwneud cais am fynediad at ddata gan y testun, anfonwch neges e-bost at: 

 enquiries@estyn.gov.wales 

---

Defnyddio deallusrwydd artiffisial (AI) i helpu i lunio ceisiadau am wybodaeth

Gall offerynnau AI fod yn ddefnyddiol ond, weithiau, gallant wneud ceisiadau’n hirach, yn fwy eang neu’n llai manwl na’r bwriad.

Cyn anfon cais, cwyn neu neges ddilynol atom, gwiriwch:

•             ei fod/bod yn dweud yn glir pa wybodaeth neu ganlyniad rydych yn chwilio        amdani/amdano;

•             yn gofyn am yr hyn rydych chi wir ei angen yn unig;

•             bod unrhyw gyfeiriadau cyfreithiol neu ffeithiol yn gywir;

•             bod y geiriad yn glir, yn gryno ac yn ffocysedig;

•             bod y tôn yn briodol.

Rydym yn gweld cynnydd mewn gohebiaeth gychwynnol ac eilaidd sy’n ymddangos fel petai wedi’i drafftio gan AI. Gall hyn fynnu eglurhad ychwanegol oherwydd anghywirdebau neu gymhlethdod diangen. Mae ceisiadau clir a ffocysedig yn ein helpu i ymateb yn gyflymach ac yn fwy cywir.

---

Ein hymateb i geisiadau FOIA neu EIR

Ar gyfer pob cofnod, rydym yn dangos y cais ac unrhyw wybodaeth a ddarparwyd gennym. Mewn rhai achosion, efallai na fydd y wybodaeth a ddatgelwyd ar gael yn hawdd mewn fformat electronig. 

Nid yw datgeliadau a wneir dan Reoliad Cyffredinol ar Ddiogelu Data (GDPR) y DU a’r Ddeddf Diogelu Data 1998 yn cael eu cyhoeddi.