Math o Arweiniad Arolygu: Beth a sut rydym ni'n ei arolygu
Mae’r ddogfen hon yn cynnig arweiniad i ysgolion ar ffocws penodol y gwiriad cywirdeb ffeithiol. Hefyd, mae’n egluro sut bydd Estyn yn ymateb i unrhyw faterion mae’r ysgol yn eu codi drwy’r broses hon.
Mae Estyn yn disgwyl i bob adroddiad arolygu fod yn ffeithiol gywir ac amlinellu canfyddiadau’r arolygiad a’r naratif, gan esbonio barnau’n glir ac yn ddiamwys.
Fel arfer, mae adroddiadau Estyn yn cyflwyno’u canfyddiadau yn gywir. Fodd bynnag, o bryd i’w gilydd, gall gwall ffeithiol godi mewn adroddiad drafft neu gall yr ysgol / darparwr amgyffred nad yw’r adroddiad yn cyfleu’r canfyddiadau’n glir. Rydym yn cydweithio ag ysgolion/darparwyr trwy gydol y broses o wirio cywirdeb ffeithiol i fynd i’r afael â’r materion hyn.