Y ddarpariaeth gwricwlaidd
Mae staff yn cynllunio gweithgareddau dysgu yn ofalus iawn, gan addasu eu cynlluniau yn ôl yr angen i ystyried anghenion a galluoedd unigol disgyblion. Mae’r dull cyson ac ymatebol hwn yn sicrhau effaith gadarnhaol ar gynnydd disgyblion dros amser. Mae bron pob disgybl yn chwarae rhan weithredol wrth ddewis a llywio eu pynciau a’u gweithgareddau dysgu. O ganlyniad, mae bron pob disgybl yn dangos lefelau uchel o ymgysylltiad a mwynhad ac yn gwneud cynnydd sylweddol tuag at eu targedau lles ac academaidd. Mae hyn yn gryfder yn y ddarpariaeth.