Cwricwlwm effeithiol
Mae athrawon wedi datblygu cwricwlwm cyfannol sy’n ddiddorol, yn ysbrydoledig ac yn galluogi disgyblion i wneud synnwyr o’r byd. Mae disgyblion yn datblygu medrau’n raddol trwy brofiadau dysgu uniongyrchol dychmygus ac ysgogol. Mae cyfleoedd da i ddisgyblion gymryd cyfrifoldeb am eu dysgu. Mae athrawon yn adolygu’r cwricwlwm yn rheolaidd, ac mae’r hyblygrwydd hwn yn sicrhau ei fod yn parhau’n berthnasol ac yn ymateb i anghenion disgyblion.