Cynllunio bwriadus i sicrhau dilyniant a pharhad wrth gefnogi disgyblion i gaffael medrau Cymraeg mewn cyd-destun cyfoes
Cynllunio bwriadus i sicrhau dilyniant a pharhad wrth gefnogi disgyblion i gaffael medrau Cymraeg mewn cyd-destun cyfoesMae cydweithio’r athrawon ar y cynllun ‘Aberwla’ wrth gyfoesi’r ddarpariaeth flaenorol, yn eu cefnogi i adeiladu’n systematig ar yr egwyddorion allweddol wrth i ddisgyblion gaffael y Gymraeg. Mae athrawon yn gweithredu’r cynllun i ddarparu ystod o weithgareddau cyson a difyr sy’n galluogi’r disgyblion i gaffael geirfa a phatrymau brawddeg yn fwriadus a chydlynus. Trwy gyfrwng adnoddau arloesol sy’n cefnogi’r dysgu yn werthfawr, darperir profiadau dysgu sy’n caniatáu i ddisgyblion ddefnyddio adnoddau rhithwir wrth ddatblygu eu medrau Cymraeg mewn cyd-destun pwrpasol a chynhwysol, er enghraifft wrth ymweld ag ystod o adeiladau ym mhentref ‘Aberwla’. Mae hyn yn cael effaith gadarnhaol ar fagu hyder y disgyblion a’u mwynhad wrth ddefnyddio’r iaith Gymraeg yn eu cymuned.