Manteision y celfyddydau mynegiannol i bob disgybl
Mae darpariaeth gyfoethog ac amrywiol yr ysgol o brofiadau ystyrlon yn y celfyddydau mynegiannol yn rhoi cyfleoedd i bob disgybl ddatblygu ystod eang o fedrau a gwerthoedd. Mae cyd-destunau dilys ac ysgogiadau o’r gymuned leol ym meysydd celf a cherddoriaeth yn galluogi disgyblion o bob cefndir i ddatblygu gwerthoedd craidd cydweithio, parch at ei gilydd, tosturi a gwydnwch. Mae’r dull ysgol gyfan hwn yn adlewyrchu gwerthoedd ac ethos gofalgar yr ysgol.