Adroddiad thematig |
Gwybodaeth reoli mewn gwasanaethau ieuenctid awdurdodau lleol - Mehefin 2009
Nid yw gwasanaethau ieuenctid y rhan fwyaf o awdurdodau lleol yn defnyddio systemau gwybodaeth reoli trylwyr, sy’n rhwystro cynllunio ac arfarnu pa mor effeithiol yw’r gwasanaeth o ran bodloni anghenion pobl ifanc.
Argymhellion
Dylai Llywodraeth Cymru:
- sicrhau bod holl wasanaethau ieuenctid awdurdodau lleol yn defnyddio system gwybodaeth reoli gyson (SGR) neu un set o safonau cytûn y maent i gyd yn adrodd yn eu herbyn.
Dylai gwasanaethau ieuenctid awdurdodau lleol:
- ddatblygu systemau gwybodaeth reoli effeithiol i gasglu data ar y nifer sy’n manteisio arnynt, cyrhaeddiad, cyfraddau tynnu’n ôl a chynnydd pobl ifanc mewn addysg ffurfiol ac addysg nad yw’n ffurfiol;
- datblygu ymhellach systemau ar gyfer mesur datblygiad personol pobl ifanc; a
- gwella’r arfer o gasglu a dadansoddi data a gwybodaeth berthnasol, yn cynnwys y data a’r wybodaeth sy’n ymwneud â chynhwysiant cymdeithasol.
Dylai partneriaethau lleol:
- ddadansoddi’r data sydd ar gael sy’n ymwneud â chynhwysiant cymdeithasol er mwyn nodi heriau lleol ac atebion lleol; a
- chefnogi cyflwyno defnydd effeithiol o SGR i asiantaethau partner sy’n cyfrannu at wasanaethau cymorth ieuenctid lleol.