Adroddiad thematig |
Dewis enhangach a'r craidd dysgu: cynydd wrth weithredu dewis enhangach o opsiynau a'r craidd dysgu ar gyfer dysgwyr 14-19 oed - Awst 2010
Mae dewis ac ystod ehangach o gyrsiau i ddysgwyr 14-19 oed wedi helpu gwella cyrhaeddiad a chymhelliant mewn ysgolion. Mae nifer gynyddol o gyrsiau i ddysgwyr ddewis ohonynt, ac mae llawer mwy o gydweithio rhwng darparwyr.Fodd bynnag, mae gormod o amrywiad yn ystod a nifer y cyrsiau a gynigir i ddysgwyr mewn gwahanol ardaloedd. Mae hyfywedd cyfyngedig mewn gormod o gyrsiau, naill ai gan eu bod dim ond yn denu nifer fach o ddysgwyr, neu am fod yr un ddarpariaeth eisoes ar gael yn yr un ardal.
Argymhellion
Dylai darparwyr:
- weithio’n agosach i wneud y gorau o ddewis a hyblygrwydd;
- gwneud yn siŵr bod pob dysgwr yn cael cyngor diduedd pan fyddant yn gwneud dewisiadau yn 14 ac 16 oed; a
- chyflawni pob agwedd ar y craidd dysgu, yn enwedig medrau allweddol, medrau Cymraeg a phrofiad â ffocws gwaith.
Dylai rhwydweithiau:
- fonitro ac arfarnu hawl dysgwyr; ac
- arfarnu ansawdd ac effeithiolrwydd darpariaeth gydweithredol.
Dylai Llywodraeth Cymru:
- gefnogi darpariaeth cyrsiau galwedigaethol cyfrwng Cymraeg ymhellach.