Adroddiad thematig |
Bagloriaeth Cymru yng nghyfnod allweddol 4 - Mai 2008
Mae ysgolion sy’n addysgu Bagloriaeth Cymru i bob disgybl yng nghyfnod allweddol 4 wedi gweld ei bod yn haws ei rhoi ar waith na’r ysgolion hynny sy’n ei haddysgu i grwpiau dethol o ddisgyblion. Yn gyffredinol, mae ysgolion yn teimlo bod y rhaglen yn llai cymhleth i’w chyflwyno yng nghyfnod allweddol 4 nag yn y sector ôl-16.Mewn ysgolion lle mae cynllunio ar gyfer Bagloriaeth Cymru yn effeithiol, maent yn gweld y rhaglen yn ffordd o fodloni gofynion eraill y cwricwlwm yn hytrach na baich ychwanegol. Yn y rhan fwyaf o’r ysgolion y gwnaethom arolwg ohonynt, caiff y rhaglen ei haddysgu’n dda ar y cyfan. Fodd bynnag, roedd y cynllunio i fodloni anghenion dysgwyr o wahanol alluoedd yn effeithiol mewn rhai gwersi yn unig.
Argymhellion
Dylai ysgolion:
- sicrhau bod gan uwch reolwyr rôl allweddol mewn arwain a chydlynu datblygu’r rhaglen yn eu hysgolion;
- rhoi digon o amser cynllunio ac arfarnu ar gyfer y tîm sy’n cyflwyno’r rhaglen;
- sefydlu systemau hylaw i safoni’r safonau a gyflawnir at ddibenion asesu;
- sefydlu systemau cynhwysfawr ac ymarferol i gynllunio, amlinellu a monitro cyflwyno medrau allweddol; a
- threfnu grwpiau tiwtor o faint rhesymol fel bod tiwtoriaid personol yn gallu cyflawni eu rôl.
Dylai CBAC:
- ddarparu arweiniad a hyfforddiant pellach i athrawon ar safonau’r gwaith a ddisgwylir ar lefelau 1 a 2; a
- pharhau â’r gwaith i wella dibynadwyedd a chysondeb asesiadau ar bob lefel trwy drefniadau safoni gwell.