Adroddiad thematig |
Addysg mewn cartrefi plant - Mawrth 2008
Mae’r trefniadau ar gyfer addysgu pobl ifanc mewn cartrefi plant yn gymhleth gan fod y ddarpariaeth yn amrywiol. Mae natur ac ansawdd y ddarpariaeth yn dibynnu ar y flaenoriaeth y mae’r sefydliadau sy’n rhedeg cartrefi plant yn ei rhoi i addysg.Nid yw’r rhan fwyaf o ysgolion annibynnol yn gyfarwydd â’r gofynion ar gyfer cofrestru pan fyddant yn gwneud cais i ddechrau. Fodd bynnag, maent yn gwneud cynnydd da ar y cyfan wrth ddilyn yr argymhellion i fodloni’r gofynion ar gyfer agor.Yn y 15 ysgol fach sy’n gweithredu mewn cartrefi plant, nid yw pob disgybl yn cael yr un hawl i addysg. Mae amser addysgu’n amrywio o un ysgol i’r llall, a bron ym mhob ysgol, disgwylir i staff gofal oruchwylio gweithgareddau dilynol.
Argymhellion
Dylai Llywodraeth Cymru:
- ystyried ceisio gwneud trefniadau ffurfiol gydag Arolygiaeth Gofal a Gwasanaethau Cymdeithasol Cymru i adrodd yn uniongyrchol i Lywodraeth Cymru lle nad yw pobl ifanc mewn cartrefi plant yn cael eu haddysgu mewn darpariaeth a gynhelir; a
- sicrhau bod ysgolion annibynnol cofrestredig yn cynnal cofrestrau presenoldeb dyddiol sy’n cydymffurfio â rheoliadau, ac yn cyflawni gofynion Rheoliadau Gwahaniaethu ar Sail Anabledd (Cymru) 2003.
Dylai awdurdodau lleol:
- roi cofnodion addysg disgyblion i ysgolion annibynnol cofrestredig yn fwy prydlon a sicrhau eu bod yn cynnwys gwybodaeth gyfoes; a
- chymryd rôl fwy cadarnhaol fel rhieni corfforaethol.
Dylai ysgolion annibynnol cofrestredig:
- gynnal asesiad cychwynnol o ddisgyblion newydd, monitro eu cynnydd yn effeithiol a defnyddio’r wybodaeth i gynllunio’n briodol i fodloni anghenion dysgu disgyblion; ac
- arfarnu a monitro’r rhaglenni astudio addysg yn fwy trylwyr ar gyfer disgyblion sy’n mynychu sefydliadau eraill am ran o’u haddysg.