Rhieni mewn Partneriaeth
Mae Ysgol Gynradd Cynfran yn ysgol feithringar lle mae pob disgybl yn bwysig. Mae’r ysgol yn cydweithio’n gryf â theuluoedd drwy ystod o weithdai defnyddiol i deuluoedd. Mae’r pennaeth yn rhoi pwys mawr ar sicrhau bod staff yn cyfathrebu’n rheolaidd â rhieni a gofalwyr fel partneriaid yn addysg eu plant. O ganlyniad, mae ymgysylltiad rhieni wedi gwella, sy’n eu helpu i gynorthwyo dysgu eu plant yn effeithiol. Mae pawb yn gwerthfawrogi’r cyfathrebu effeithiol rhwng yr ysgol a theuluoedd.