Defnyddio cynefin y disgyblion i ysgogi’r dysgu
Mae’r ysgol yn defnyddio cynefin y disgyblion yn effeithiol fel ysgogiad i’w tasgau. Er enghraifft, wedi archwilio hanes a dylanwad Merched Beca a Griffith Jones, Llanddowror, mae disgyblion yn datblygu dealltwriaeth drylwyr o’u hunaniaeth a’u treftadaeth. Mae hyn yn eu hysbrydoli i ysgrifennu darnau estynedig o safon uchel, sy’n arddangos dyfnder, aeddfedrwydd, empathi ac ymdeimlad clir o bwrpas ar draws ystod o ffurfiau.