Hyrwyddo aml-ddiwylliant, amrywiaeth a rhinweddau parch ac empathi
Nodwedd arbennig o’r ysgol yw’r modd maent yn hyrwyddo parch a goddefgarwch at eraill, a gwerthfawrogiad o wahanol ddiwylliannau a chredoau. Mae hyn wrth wraidd gwaith yr ysgol i ddatblygu cymeriad eu disgyblion. Mae ystod eang o weithgareddau sydd yn dathlu natur aml-ddiwylliannol ac amrywiaeth yr ysgol; er enghraifft, maent yn trefnu gweithdai aml-ddiwylliannol i rieni ac yn cydweithio’n agos â chanolfan ffoaduriaid leol. Mae athrawon yn paratoi’r disgyblion i fyw ac i weithio mewn cymdeithas aml-ddiwylliannol yn effeithiol.