Datblygu medrau llafaredd disgyblion
Mae darpariaeth gref ar gyfer datblygu medrau llafaredd disgyblion. Mae staff yn creu amgylchedd dysgu cyfoethog o ran iaith ac yn defnyddio ystod o raglenni cymorth sy’n galluogi’r rhan fwyaf o ddisgyblion i wneud cynnydd cyflym o’u mannau cychwyn unigol. Ar draws yr ysgol, mae staff yn fodelau iaith cryf ac yn sicrhau bod disgyblion yn datblygu geirfa gyfoethog. Maent yn sicrhau bod disgyblion yn elwa ar ystod eang o gyfleoedd i ddatblygu’n siaradwyr hyderus mewn amrywiaeth o gyd-destunau.