Diwylliant cryf ac effeithiol o ddysgu proffesiynol
Mae’r ysgol wedi sefydlu dull creadigol a chynhwysfawr o gynllunio a darparu dysgu proffesiynol gwerthfawr. Mae arweinwyr yn gwneud defnydd hynod effeithiol o fedrau amrywiol staff ar draws y ffederasiwn i ddarparu mewnbwn, hyfforddiant a chymorth hyfforddi o ansawdd uchel yn rheolaidd. Mae hyn yn helpu i ddatblygu medrau arwain y rhai sy’n cyflwyno’r rhaglenni, yn ogystal â medrau a hyder y rhai sy’n cymryd rhan. Yn ddiweddar, mae hyn wedi arwain at well darpariaeth a chynnydd cyflymach yn natblygiad medrau digidol a medrau Cymraeg disgyblion.