Defnyddio offer deallusrwydd artiffisial (DA) i gefnogi disgyblion i ddatblygu ysgrifennu creadigol
Mae athrawon yn arloesol wrth gynorthwyo disgyblion i gryfhau eu medrau ysgrifennu. Er enghraifft, maent yn defnyddio llenyddiaeth plant sydd wedi’i dewis yn ofalus i ennyn diddordeb eu dosbarth a hyrwyddo ysgrifennu creadigol. Maent yn cynorthwyo disgyblion i ysgrifennu’n ddychmygus, gan ddewis geirfa addas. Ar ôl i ddisgyblion drafod eu syniadau, ymarfer eu gwaith ar lafar ac yna lunio drafft, maent yn defnyddio delweddau a gynhyrchir gan ddeallusrwydd artiffisial (DA) i ail-greu eu disgrifiadau. Mae disgyblion yn cymharu’r ddelwedd â’r hyn yr oeddent wedi’i ddychmygu yn eu meddyliau. Mae hyn yn rhoi adborth defnyddiol sy’n ysgogi’r meddwl i ddisgyblion, yn enwedig y rhai sy’n dysgu Saesneg fel iaith ychwanegol, ynghylch ble y gallent gryfhau eu disgrifiadau neu fireinio eu testun.