Dysgu proffesiynol ac ymchwil yn arwain at lefelau uwch o les, annibyniaeth dysgwyr a chynhwysiant.
Mae dysgu proffesiynol dros y tymhorau diwethaf wedi cael effaith sylweddol ar wella meysydd blaenoriaeth yr ysgol. Mae llawer o staff yn ymgymryd ag ymchwil i sicrhau bod unrhyw newidiadau a datblygiadau a wnânt yn seiliedig ar dystiolaeth gadarn o lwyddiant ac effaith. Er enghraifft, mae ymchwil weithredol sy’n archwilio asesu lles disgyblion wedi arwain at sefydlu fframwaith asesu cadarn ar draws yr ysgol. Mae hyn yn galluogi staff i olrhain cynnydd disgyblion, targedu eu hannibyniaeth a chynnwys disgyblion yn eu dysgu.