Codi ymwybyddiaeth disgyblion o ddiogelu
Mae diwylliant cryf o ddiogelu ar draws yr ysgol. Mae disgyblion yn teimlo’n ddiogel ac yn gwybod y bydd rhywun yn gwrando ar eu pryderon ac yn gweithredu arnynt. Mae gwaith cyngor yr ysgol wrth ddatblygu siarter diogelu wedi sicrhau bod disgyblion yn deall ystyr diogelu a bod ganddynt yr hyder i godi materion sy’n peri pryder gyda staff yr ysgol. Wrth ystyried nodwedd bwysicaf ysgol newydd, mae disgyblion ym Mlynyddoedd 4 a 5 yn rhoi’r flaenoriaeth uchaf i ddiogelu.