Datblygu dealltwriaeth disgyblion o lythrennedd ariannol
Mae’r ysgol yn darparu profiadau bywyd go iawn o ansawdd uchel trwy ‘Clic Café’ a ‘Banc Acoins’ i ddisgyblion ddatblygu hyder a medrau wrth ddelio ag arian. Mae disgyblion yn cyflawni eu rolau fel arianwyr, goruchwylwyr, gweinyddion a rheolwyr yn annibynnol iawn ac yn cymryd perchnogaeth a chyfrifoldeb am redeg y cyfleusterau’n llwyddiannus. Maent yn esbonio’n fanwl sut mae’r gwasanaethau’n gweithredu ac yn ymgysylltu’n bwrpasol â chwsmeriaid. Er enghraifft, maent yn cefnogi disgyblion iau i lenwi slipiau talu arian i mewn.