Dull ‘Tapestri o Leisiau’ o wella’n barhaus
Mae’r ysgol yn dangos dull hynod effeithiol o wella, gyda phob aelod o gymuned yr ysgol yn gwneud cyfraniad ystyrlon. Trwy ei dull ‘Tapestri o Leisiau’, mae rhanddeiliaid yn dylanwadu’n llwyddiannus ar benderfyniadau, er enghraifft trwy waith cyngor y rhieni i lywio polisïau. Mae arweinwyr yn ymateb yn bwrpasol i’r adborth hwn, gan gryfhau partneriaethau a chyfoethogi profiadau dysgu yn yr ystafell ddosbarth a thu hwnt.