Defnyddio’r awyr agored i gryfhau medrau a pherthnasoedd
Mae’r ysgol yn gwneud defnydd hynod effeithiol o’i hardal goetir sydd wedi’i datblygu’n dda i gyfoethogi dysgu a datblygiad personol disgyblion. Mae sesiynau rheolaidd yn yr awyr agored yn darparu cyfleoedd gwerthfawr i ddisgyblion gydweithio ar dasgau ymarferol sy’n datblygu eu medrau datrys problemau, eu gallu i weithio mewn tîm a’u hannibyniaeth. Mae gweithgareddau sy’n cynnwys disgyblion o wahanol oedrannau yn meithrin amgylchedd cefnogol a gofalgar, gyda disgyblion hŷn yn arwain ac yn annog plant iau. Mae’r dull hwn yn cryfhau perthnasoedd ar draws yr ysgol ac yn magu hyder disgyblion wrth iddynt ymgymryd â heriau newydd.