Defnydd effeithiol o asesu i gefnogi cynnydd mewn llythrennedd a rhifedd
Mae’r defnydd o asesu i gefnogi dysgu, yn enwedig wrth ddatblygu medrau llythrennedd a rhifedd disgyblion, yn hynod effeithiol. Mae athrawon yn defnyddio gwybodaeth asesu am ddysgu blaenorol disgyblion i bennu’r camau nesaf sy’n addas i anghenion unigol. Maent yn addasu eu haddysgu’n barhaus ac yn effeithiol, er enghraifft drwy newid y ffordd y caiff grwpiau eu trefnu. Mae athrawon yn addasu gwersi’n fedrus i ddiwallu anghenion disgyblion o bob gallu, gan eu galluogi i wneud cynnydd da cyson wrth ddatblygu a chymhwyso medrau llythrennedd a rhifedd allweddol.