Article details

-
By Claire Morgan, Cyfarwyddwr Strategol
Postiadau blog |

Gwneud lles yn flaenoriaeth – Mewnwelediadau Adroddiad Blynyddol 2020-21

Share this page

Yn yr ail flog yn ein cyfres ar yr Adroddiad Blynyddol, edrychwn ar sut yr aeth lleoliadau nas cynhelir, ysgolion ac UCDau ati i gefnogi lles dysgwyr pan darfwyd ar addysg yn 2020-21. Gwyliwch yr animeiddiad byr neu daliwch ati i ddarllen am fewnwelediadau yn sgil ein gweithgarwch ymgysylltu ag arweinwyr ac athrawon.
Rhoi dysgwyr yn gyntaf
Cefnogi staff
Addasu arfer
Crynodebau sector

Rhoi dysgwyr yn gyntaf

Nid yw’n syndod bod pob darparwr wedi blaenoriaethu lles dysgwyr yn 2020-21. Datblygwyd perthnasoedd dyfnach ganddynt â theuluoedd a threfnwyd ffyrdd newydd o gadw mewn cysylltiad â dysgwyr. Roedd hyn yn golygu y gallent nodi anawsterau a mynd i’r afael â nhw’n gyflym – rhywbeth a oedd yn arbennig o bwysig i ddysgwyr bregus, a wynebodd yr anawsterau mwyaf yn ystod y cyfnod clo.

Mewn llawer o achosion, arweiniodd cysylltiad agosach â dysgwyr a’u teuluoedd at ddarparwyr addysg yn troi’n ffynonellau hanfodol o gymorth ac arweiniad i’w cymunedau.

Yn eu tro, roedd ysgolion a lleoliadau’n deall eu cymunedau’n well, ac roedd hyn o fudd i ddysgwyr a’u teuluoedd wrth iddynt ddatblygu hyder mewn darparwyr. 

Mae’r perthnasoedd hyn yn debygol o helpu gweledigaeth ysgolion a’u dyheadau ar gyfer y Cwricwlwm i Gymru. Gall cyfraniadau gan deuluoedd a’r gymuned ehangach eu helpu i ddeall anghenion eu dysgwyr a sut gallant wireddu pedwar diben y cwricwlwm.

Cefnogi staff

Ni allwn danfesur effaith y flwyddyn academaidd ddiwethaf ar y rhai sy’n gweithio ym myd addysg. Ar yr adeg honno, tynnodd ein Prif Arolygydd sylw at ‘eu gwydnwch rhyfeddol’.


Roedd y pwysau ar staff yn ddigynsail. Aethant ati i reoli sefyllfaoedd heriol a gwneud eu hunain yn fwyfwy agored i ddysgwyr a’u teuluoedd.

Yn aml, gwelsom ni arweinwyr yn rhoi iechyd, lles a diogelwch eu staff uwchben eu lles eu hunain. Ac roedd hyn yn ogystal â blaenoriaethu lles eu dysgwyr a’u teuluoedd.
 

Addasu arfer

Rhannodd lleoliadau nas cynhelir, ysgolion ac UCDau gyda ni sut yr ymaddasant mewn llawer o wahanol ffyrdd. Mae’r animeiddiad byr yn y blog hwn yn crisialu rhai o’r strategaethau hyn.

I weld cameos pellach, porwch drwy’r crynodebau ar gyfer eich sector yn yr Adroddiad Blynyddol.
 

Crynodebau sector

Lleoliadau nad ydynt yn ysgolion i blant o dan bump oed
Ysgolion cynradd
Ysgolion uwchradd
Ysgolion pob oed a gynhelir
Ysgolion arbennig a gynhelir
Ysgolion arbennig annibynnol
Ysgolion prif ffrwd annibynnol 
Colegau arbenigol annibynnol 
Unedau cyfeirio disgyblion
Gwasanaethau addysg llywodraeth leol

Related content
Adroddiad Blynyddol Prif Arolygydd Ei Mawrhydi dros Addysg a Hyfforddiant yng Nghymru

Ychwanegu sylw newydd

About text formats

Testun plaen

  • No HTML tags allowed.
  • Llinellau a pharagraffau yn torri'n awtomatig.
  • Web page addresses and email addresses turn into links automatically.