Addysg Gychwynnol Athrawon (AGA) Darllen: Awgrymiadau myfyriol
Reflective prompts:
Efallai y bydd hefyd yn ddefnyddiol i chi ystyried yr awgrymiadau myfyriol canlynol wrth edrych ar ddarpariaeth ar gyfer darllen neu pan fyddwch chi’n arsylwi darllen yn ystod eich profiadau ysgol gynradd:
- Mae darllen cryf yn dechrau gyda llafaredd cryf. Pa fathau o brofiadau iaith y mae disgyblion yn eu cael?
Edrychwch a gwrandewch am:
- sgwrs gyfoethog yn yr ystafell ddosbarth
- adrodd storïau a thrafod
- oedolion yn modelu geirfa ac yn cyflwyno geirfa a strwythurau iaith newydd i ddisgyblion
- disgyblion yn esbonio ac yn cyfiawnhau eu syniadau a’u safbwyntiau
Gofynnwch i chi’ch hun:
‘A yw disgyblion yn datblygu’r iaith lafar sydd ei hangen arnynt i ddeall yr hyn y byddant yn ei ddarllen yn ddiweddarach?’
- Ym mlynyddoedd cynnar addysg gynradd disgybl, mae medrau cyn darllen yn bwysig. Sut mae oedolion yn sicrhau bod gan ddisgyblion sylfeini cadarn ar gyfer darllen, cyn dechrau addysgu darllen yn ffurfiol?
Edrychwch am:
- gemau a gweithgareddau gwrando
- chwarae ag odl, rhythm a sain
- mwynhau storïau a cherddi ar y cyd
- sut mae disgyblion yn datblygu eu sylw, eu gwrando, cymryd tro a siarad
- sut mae disgyblion yn datblygu eu medrau corfforol
Gofynnwch i chi’ch hun:
‘Sut mae oedolion yn gosod y sylfeini ar gyfer datblygu darllen disgyblion?’
