Deallusrwydd Artiffisial

Yn Estyn, rydym yn croesawu’r cyfleoedd y mae Deallusrwydd Artiffisial (AI) yn eu cynnig i wella’r ffordd rydym yn gweithio ac yn darparu ein gwasanaethau. Drwy greu amgylchedd diogel sydd wedi’u lywodraethu’n gadarn ar gyfer AI, ein nod yw defnyddio technoleg yn bwrpasol—i wella effeithlonrwydd, cael mewnwelediadau gwerthfawr, a rhyddhau adnoddau i ganolbwyntio ar yr hyn sydd bwysicaf: gwella canlyniadau i ddysgwyr yng Nghymru.

Mae ein dull yn cael ei arwain gan egwyddorion cryf o lywodraethu cyfrifol, tryloywder a gwyliadwriaeth, gan sicrhau bod AI yn cefnogi—nid yn disodli—ein harbenigedd proffesiynol. Rydym yn profi ac yn esblygu ein defnydd o’r technolegau newydd sydd ar gael i ni yn ofalus, a thrwy gydweithio â phartneriaid a rhwydweithiau rhyngwladol, rydym yn parhau i archwilio sut y gall AI gyfoethogi arolygu, addysg a hyfforddiant, drwy rannu arfer gorau a chynnal y safonau uchaf o ran uniondeb a gofal.