Arolygu: beth i’w ddisgwyl
Rydym yn cynnal arolygiadau gyda’r nod o wella ansawdd addysg a hyfforddiant i bob dysgwr yng Nghymru. Byddwn bob amser yn canolbwyntio ar ansawdd y cyflwyno a’r effaith ar ddeilliannau i ddysgwyr a bydd ein hadroddiadau’n manylu ar ba mor dda mae darparwyr yn helpu dysgwyr i ddysgu.
Gallwch ddysgu mwy am y profiad arolygu yma. Trwy ein hymgyrch Barod yn Barod, cwestiynau cyffredin ac ystod o adnoddau, gan gynnwys podlediadau a recordiadau Estyn yn Fyw, rydym yn rhannu camau ymarferol, disgwyliadau a realiti arolygu. Gallwch glywed yn uniongyrchol gan ddarparwyr, sy’n myfyrio ar eu profiad o adolygu ac yn chwalu rhai o’r chwedlau cyffredin.
Rydym am i arolygu fod yn brofiad cadarnhaol sy’n rhan naturiol o’ch proses wella arferol ac yn gobeithio y bydd y wybodaeth sy’n cael ei chyflwyno yma yn eich helpu i feithrin dealltwriaeth ehangach o ddiben a hanfodion arolygu.