Sioe Deithiol Mathemateg Uwchradd: Datgloi potensial o ran addysgu ac arweinyddiaeth mathemateg
Digwyddiad Dysgu mewn partneriaeth ag Estyn
Rydym yn gwahodd athrawon mathemateg ysgolion uwchradd a phenaethiaid adrannau mathemateg i ymuno â ni ar gyfer y Sioe Deithiol Mathemateg Uwchradd, y byddwn yn ei chyflwyno mewn partneriaeth â Dysgu.
Mae’r gyfres hon o ddigwyddiadau yn cynnig cyfle gwerthfawr i archwilio dulliau wedi’u seilio ar dystiolaeth sy’n cefnogi addysgu mathemateg o ansawdd uchel, yn cryfhau arweinyddiaeth adrannol ac yn gwella deilliannau dysgwyr. Bydd cynrychiolwyr yn cael mewnwelediadau o ymchwil ac arfer bresennol, ac yn cymryd rhan mewn sesiynau sydd wedi’u cynllunio i lywio addysgeg ystafell ddosbarth a chynllunio strategol.
Gall pob ysgol uwchradd gofrestru hyd at ddau gynrychiolydd, a chaiff lleoedd eu dyrannu ar sail y cyntaf i’r felin.
Bydd y sioe deithiol yn cynnwys chwe sesiwn ar draws tri lleoliad:
De Cymru – Pencadlys Estyn, Llys Angor, Caerdydd Dydd Llun 23 Chwefror 2026
bydd sesiwn y bore’n cael ei chyflwyno yn Saesneg yn unig; bydd sesiwn y prynhawn yn cael ei chyflwyno’n ddwyieithog
De Orllewin Cymru – Village Hotel, Abertawe Dydd Mawrth 24 Chwefror 2026
bydd sesiwn y bore’n cael ei chyflwyno yn Saesneg yn unig; bydd sesiwn y prynhawn yn cael ei chyflwyno’n ddwyieithog
Gogledd Cymru – Galeri, Caernarfon Dydd Iau 26 Chwefror 2026
Bydd y ddwy sesiwn yn cael eu cyflwyno’n ddwyieithog