Ymgynghorydd Pobl a Datblygu Sefydliadol (Gradd EO)
Rydym yn chwilio am Ymgynghorydd Pobl a Datblygu Sefydliadol sy’n siarad Cymraeg, sydd â phrofiad o weithio mewn rôl adnoddau dynol gyffredinol. Byddwch yn chwarae rôl bwysig yn ein swyddogaeth Pobl – gan roi cyngor, cefnogi rheolwyr, datblygu polisi, rheoli gweithgareddau recriwtio a chefnogi dysgu a datblygu.
Byddwch yn gyfrifol am gynorthwyo i ddarparu sawl maes allweddol, gan gynnwys recriwtio, dysgu a datblygu, polisi a chysylltiadau â chyflogeion, ymgysylltu, ac amrywiaeth a chynhwysiant.
Mae tasgau allweddol yn cynnwys:
- Datblygu polisïau a gweithdrefnau Pobl a sicrhau y cânt eu rhoi ar waith yn effeithiol
- Darparu gweithgareddau recriwtio ac ymsefydlu effeithiol
- Cydlynu’r gwaith o ddarparu a gwerthuso gweithgareddau dysgu a datblygu
- Cyswllt / pwynt cyfeirio ar gyfer ymholiadau Pobl a datblygu sefydliadol
- Cynnig cyngor a chefnogaeth ar ystod o faterion Pobl, gan gynnwys presenoldeb a rheoli perfformiad, materion disgyblu a datrys anghydfodau
- Cynorthwyo i ddatblygu a gweithredu Pobl a mentrau
- Cadw cofnodion yn unol â gofynion polisi, archwilio a chyfreithiol (gan gynnwys llywodraethu gwybodaeth a chydymffurfio â GDPR) a sicrhau y caiff gwybodaeth ei phrosesu i’r gyflogres mewn modd amserol
- Casglu a dadansoddi gwybodaeth reoli ar gyfer adroddiadau (misol/chwarterol/blynyddol)
- Cynorthwyo i gyflwyno’r Arolwg Pobl blynyddol
- Ymgymryd ag unrhyw ddyletswyddau eraill a all fod yn ofynnol yn rhesymol gan reolwyr
Hyd: Parhaol
Cyflog: £29,657 – £33,748
Y Gymraeg: Ar gyfer y swydd hon, mae medrau Cymraeg (llafar ac ysgrifenedig) yn hanfodol.
Oriau gwaith a gweithio hyblyg: Yr oriau amser llawn yw 37 awr, o ddydd Llun i ddydd Gwener. Os hoffech weithio’n hyblyg, byddwn yn hapus i ystyried hyn yn unol â’n Polisi Gweithio Hyblyg
Dyddiad cau i ymgeisio: 10:00am 17 Gorffennaf 2025