Uwch-Swyddog Ymchwil

Rydym ni’n chwilio am ymchwilydd profiadol sy’n mwynhau llunio sut caiff tystiolaeth ei defnyddio i lywio dealltwriaeth, gwelliant a gwneud penderfyniadau ar draws Estyn.

Bydd yr ymgeisydd llwyddiannus yn gyfrifol am arwain y swyddogaeth ymchwil o fewn Estyn i ddatblygu’r strwythurau a’r systemau sydd eu hangen i gefnogi’r sefydliad i ddod yn sefydliad sy’n cael ei lywio mwy gan ymchwil ac yn llythrennog o ran ymchwil, a chefnogi integreiddio egwyddorion ymchwil ar draws gwaith Estyn, gan sicrhau bod tystiolaeth yn cael ei harfarnu’n feirniadol, ei dehongli’n glir, a’i chymhwyso i flaenoriaethau a pholisi / arfer strategol. 

Mae tasgau allweddol yn cynnwys:

• Cynllunio dull ar gyfer archwilio ein tystiolaeth bresennol yn gynyddol ac yn systematig i gefnogi gwaith Estyn
• Cynghori ar ein dadansoddiadau o ddeilliannau arolygu ansoddol yn y dyfodol
• Datblygu protocolau ar gyfer defnyddio offer dadansoddol, yn cynnwys meddalwedd dadansoddi data ansoddol
• Datblygu dull trylwyr ar gyfer dadansoddi sylwadau ansoddol mewn arolygon
• Arwain ar gynghori ar ein gofynion staffio yn y dyfodol ar gyfer gwasanaethau ymchwil Estyn
• Sicrhau bod yr holl ddadansoddi yn foesegol drylwyr a thryloyw, ac yn cael ei gyfleu ag eglurder am gryfderau, cyfyngiadau a goblygiadau.
• Arwain ar ddatblygu arweiniad a dysgu proffesiynol dilynol ar gyfer arolygwyr 
• Cyflwyno’r broses friffio a hyfforddi ar gyfer arolygon thematig i arolygwyr, yn cynnwys casglu gwybodaeth gefndir berthnasol a darparu cyngor ar gynllunio prosiect, dulliau ymchwil ac offer
• Sicrhau ymagwedd sy’n ystyriol o ymchwil at gynllunio arolygon, dadansoddi a sicrhau ansawdd i gefnogi gwaith arolwg thematig a sail dystiolaeth ehangach Estyn, yn cynnwys yr Adroddiad Blynyddol ac arolygu
• Lledaenu ac ymgysylltu â chanfyddiadau ymchwil yn amserol i gynulleidfa fewnol Estyn, yn cynnwys llunio Diweddariad Ymchwil rheolaidd 
• Arwain ar ddatblygu a chynnal cysylltiadau strategol â’r gymuned ymchwil ehangach a hyrwyddo defnydd o dystiolaeth allanol
• Gweithio ar draws y tîm i ddarparu cyngor dadansoddol integredig i gydweithwyr Estyn
• Cyfrannu at ddatblygu a chynnal ymagwedd systematig at storio deallusrwydd a gwybodaeth berthnasol, yn cynnwys datblygu offer a systemau i rannu gwybodaeth sy’n ystyriol o ymchwil

Hyd: Parhaol

Cyflog: £47,698 – £56,471

Dyddiad cau: 10:00yb ar 10 Chwefror 2026