Dadansoddwr Data - Estyn

Dadansoddwr Data

Rhannu'r dudalen hon

Rydym yn chwilio am Ddadansoddwr Data sy’n gallu troi data cymhleth yn fewnwelediad clir, y gellir gweithredu arno i gefnogi gwaith Estyn fel rheoleiddiwr sy’n cael ei lywio gan dystiolaeth. Bydd y rôl hon yn gyfrifol am reoli, dadansoddi a delweddu data ar draws Estyn, gan greu mewnwelediadau clir, y gellir gweithredu arnynt sy’n cefnogi arolygu, gwerthuso ac ymagwedd ragweithiol, wedi’i harwain gan ddeallusrwydd, at wneud penderfyniadau.

Mae tasgau allweddol yn cynnwys:

  • Cyrchu, glanhau ac integreiddio data o systemau lluosog — yn cynnwys tystiolaeth arolygu, deilliannau dysgwyr, mynegeion amddifadedd, a metrigau ar lefel darparwr.
  • Nodi, monitro a mynd i’r afael ag anghysondebau data neu faterion llygredd.
  • Dyfeisio a gweithredu dulliau o sicrhau bod data’n cael ei adnewyddu ar adegau priodol, gan sicrhau y glynir at brotocolau rheoli newid.
  • Cynnal metadata, geiriaduron data, a dogfennau i gefnogi tryloywder a rheoli fersiynau.
  • Sicrhau bod prosesau rheoli data yn cydymffurfio â GDPR, llywodraethu gwybodaeth, a pholisïau data Estyn.

Trwy weithio dan gyfarwyddyd yr ystadegwyr, byddwch chi:

  • Yn cynnal dadansoddiadau disgrifiadol, diagnostig ac archwiliol i nodi tueddiadau a risgiau ar draws sectorau addysg.
  • Creu pecynnau data cyn-arolygiad a briffiau dadansoddol yn amlygu ffactorau cyd-destunol a materion sy’n dod i’r amlwg.
  • Creu dangosfyrddau ac adroddiadau rhyngweithiol (e.e. Power BI) i gynorthwyo arolygwyr, ymchwilwyr ac uwch arweinwyr.
  • Datblygu dangosyddion perfformiad i olrhain effaith gorfforaethol a strategol Estyn.
  • Datblygu a chynnal llifau gwaith data ac adroddiadau awtomatig atgynyrchadwy.
  • Cynorthwyo â chynllunio a gweithredu offer a phlatfformau dadansoddol ar y cyd (e.e. mannau gwaith Power BI, warws data).
  • Cyfrannu at greu “un ffynhonnell o wirionedd” ar gyfer data arolygu a pherfformio.
  • Gweithio’n agos gydag ystadegwyr i wirio ansawdd a chymharedd setiau data.
  • Cydweithio ag ymchwilwyr i gyflenwi tystiolaeth feintiol a helpu rhoi canfyddiadau yn eu cyd-destun.
  • Troi canlyniadau dadansoddol yn ddeunyddiau gweledol a chrynodebau clir sy’n hygyrch i gynulleidfaoedd annhechnegol.
  • Cyfrannu at gymuned ddadansoddol Estyn trwy rannu gwybodaeth, offer ac arfer dda.
  • Gweithio gyda sefydliadau partner i gynnal cysondeb diffiniadau ac alinio setiau data ar draws y system addysg.

Hyd: Parhaol

Cyflog: £37,129 – £45,399

Dyddiad cau: 10am ar 3 Chwefror 2026

Pecyn gwybodaeth
Ffurflen gais