Fel rhiant/gofalwr, rhowch eich barn i ni am y coleg y mae eich plentyn yn mynd iddo. Darllenwch bob datganiad gan ystyried eich profiadau eich hun a thiciwch y blwch sy’n cyfateb orau i’ch barn. I rai cwestiynau, cewch gyfle i esbonio pam y dewisoch chi’r ateb hwnnw, os hoffech wneud hynny.

Mae eich barn yn bwysig i ni. Byddwn yn defnyddio’ch atebion i’n helpu i ddeall eich barn chi am goleg eich plentyn. Gallem ddefnyddio eich atebion chi ac atebion rhieni/gofalwyr eraill i’n helpu i ddeall beth yw barn rhieni/gofalwyr am golegau ar draws Cymru.

Mae barn rhieni a gofalwyr yn rhan werthfawr o’n proses arolygu. Hoffem annog pob rhiant/gofalwr i rannu eu barn am goleg eu plentyn trwy ein holiadur i rieni/gofalwyr. Bydd yr arolygydd cofnodol yn cael amser cyn yr arolygiad i ddarllen eich sylwadau a bydd y wybodaeth hon yn cael ei rhannu gyda’r tîm arolygu.

Mae holiaduron ar gael mewn nifer o ieithoedd ac mae blwch testun agored ynddynt i chi rannu adborth mwy penodol. Gallwch fod yn dawel eich meddwl bod eich adborth yn gyfrinachol i Estyn ac y bydd ar gael i’r tîm arolygu yn unig. 

Mae’r arolwg yn ddienw. Mae eich ymatebion yn gyfrinachol ac nid ydym yn gofyn am eich enw.

Bydd arolygwyr Estyn:

• yn darllen eich atebion
• byth yn datgelu eich atebion unigol i goleg eich plentyn nac i unrhyw un arall y tu allan i Estyn. Yr unig amser pan y gallem ni rannu gwybodaeth gyda phobl eraill yw os oes gennym ni bryderon am ddiogelwch disgyblion.

Bydd eich atebion yn cael eu storio’n ddiogel yn ein cronfeydd data yn unol â’n polisiar gadw data.

Hoffem glywed eich barn am eich coleg fel aelod o staff. Darllenwch bob datganiad gan ystyried eich profiadau eich hun a thiciwch y blwch sy’n cyfateb orau i’ch barn. I rai cwestiynau, cewch gyfle i esbonio pam y dewisoch chi’r ateb hwnnw, os hoffech chi wneud hynny.

Mae eich barn yn bwysig i ni. Mae eich atebion chi ac atebion pobl eraill yn helpu i lywio’r arolygiad. Lle y bo’n briodol, gallem ddefnyddio’r wybodaeth sy’n cael ei chasglu o arolygon i’n helpu i lunio darlun cenedlaethol o waith colegau ar draws Cymru, hefyd.

Mae’r arolwg yn ddienw. Mae eich ymatebion yn gyfrinachol ac nid ydym yn gofyn am eich enw.

Bydd arolygwyr Estyn yn:

• darllen eich atebion
• byth yn datgelu eich atebion unigol i’r coleg nac i unrhyw un y tu allan i Estyn Yr unig amser pan y gallem ni rannu gwybodaeth gyda phobl eraill yw os oes gennym ni bryderon am ddiogelwch dysgwyr.

Bydd eich atebion yn cael eu storio’n ddiogel yn ein cronfeydd data yn unol â’n polisi ar gadw data.

Rho dy farn i ni am dy goleg. Meddylia am dy brofiadau dy hun ac nid am brofiadau dy ffrindiau.  Darllena bob brawddeg a rhoi tic yn y blwch sy’n cyfateb i dy farn. Does dim atebion cywir nac anghywir. I rai cwestiynau, byddi di’n gallu esbonio pam y dewisaist ti’r ateb hwnnw, os hoffet ti wneud hynny. Ateba’n onest.

Mae dy farn yn bwysig i ni. Byddwn ni’n darllen dy atebion ac yn eu defnyddio i ddysgu rhagor am y coleg. Hefyd, gallem ni ddefnyddio’r holiaduron hyn i’n helpu i ddeall beth yw barn disgyblion am golegau ar draws Cymru.

Mae’r holiadur yn ddienw. Dydyn ni ddim yn gofyn am dy enw. Mae hyn yn golygu bod dy atebion yn gyfrinachol.

Bydd arolygwyr Estyn:

• yn darllen dy atebion
• byth yn dweud wrth unrhyw un yn dy ysgol nac unrhyw un arall y tu allan i Estyn beth rwyt ti wedi’i ddweud

Yr unig amser pan y gallem ni rannu gwybodaeth gyda phobl eraill yw os oes gennym ni bryderon am ddiogelwch disgyblion.

Rydym ni’n cadw dy atebion yn ddiogel ar systemau cyfrifiadurol Estyn.