Adroddiad thematig Archives - Page 18 of 31 - Estyn

Math o Adnodd Gwella: Adroddiad thematig

Math o Adnodd Gwella: Adroddiad thematig

Rhannu'r dudalen hon

Argymhellion

Dylai colegau arbenigol annibynnol:

  • A1 Wneud yn siŵr bod yr holl asesiadau cyn mynediad yn berthnasol i ystod lawn anghenion dysgwyr, gan gynnwys cyfathrebu ac ymddygiad
  • A2 Gwneud yn siŵr bod pob CAA:
    • yn cydnabod cyrchfan a ddymunir gan ddysgwyr
    • yn nodi’n fras dargedau tymor byr, tymor canolig a thymor hir ac yn amlinellu cynlluniau i gyflawni’r targedau hyn
    • yn cael ei adolygu’n rheolaidd
  • A3 Datblygu prosesau clir i osod targedau, ac asesu, olrhain, monitro ac arfarnu cynnydd dysgwyr mewn medrau annibyniaeth
  • A4 Datblygu prosesau i fesur gwerth a deilliannau profiad gwaith
  • A5 Lleihau’r ddibyniaeth ar daflenni gwaith generig i addysgu medrau llythrennedd a rhifedd

Dylai awdurdodau lleol:

  • A6 Gydlynu’r wybodaeth sy’n mynd gyda dysgwyr rhwng darparwyr ac ar gyfnodau pontio
  • A7 Gwneud yn siŵr bod cynlluniau a phrosesau ar gyfer cyrchfannau dysgwyr y tu hwnt i’r CAA ar waith yn ddigon cynnar i gael canlyniad cadarnhaol a chyfnod pontio didrafferth

Dylai Llywodraeth Cymru:

  • A8 Adolygu’r wybodaeth y gofynnwyd amdani gan CAAau i wneud yn siŵ ei bod yn glir a phenodol ac yn cynnwys ffocws ar gynnydd dysgwyr a chyrchfan a ddymunir gan y dysgwr, yn ogystal ag ennill cymwysterau

Math o Adnodd Gwella: Adroddiad thematig

Rhannu'r dudalen hon

Argymhellion

I gryfhau’r RhHYR a llwybrau eraill i addysgu, dylai Llywodraeth Cymru:

A1 Sicrhau bod darparwyr hyfforddiant i athrawon yn helpu hyfforddeion i ddatblygu’r addysgeg fwyaf effeithiol ar gyfer eu pwnc a’u sector

A2 Ystyried strategaethau i wella ansawdd y mentora mewn ysgolion, i alluogi athrawon dan hyfforddiant i wneud cynnydd da a chyflawni eu potensial

A3 Sicrhau bod pob rhaglen ar gyfer hyfforddiant cychwynnol i athrawon yn cefnogi athrawon dan hyfforddiant yn effeithiol yn ystod wythnosau cyntaf yr addysgu

A4 Gwella casglu data mewn hyfforddiant cychwynnol i athrawon i arfarnu effeithiolrwydd rhaglenni hyfforddi

Math o Adnodd Gwella: Adroddiad thematig

Rhannu'r dudalen hon

Argymhellion

Dylai athrawon ieithoedd tramor modern:

  • A1 Gwella ansawdd yr addysgu mewn ieithoedd tramor modern trwy sicrhau eu bod:
    • yn cynyddu’r defnydd o’r iaith asesedig fel yr iaith cyfarwyddo ar draws cyfnod allweddol 3, cyfnod allweddol 4 ac yn y sector ôl-16
    • yn helpu dysgwyr i gael amgyffrediad cadarn o reolau ynganu’r iaith y maent yn ei dysgu
    • yn helpu dysgwyr i ddefnyddio ystod eang o strategaethau i baratoi’n hyderus ar gyfer arholiadau llafar, fel bod dysgwyr yn datblygu rhuglder llafar ar lefelau yn unol â’u galluoedd
    • yn gwneud yn siŵr bod dysgwyr o bob gallu yn cael eu herio’n llawn ac yn cymryd rhan mewn gweithgareddau iaith creadigol sy’n datblygu eu meistrolaeth o’r iaith
    • yn cadw cydbwysedd priodol rhwng addysgu gramadeg a’r pedwar medr iaith, yn enwedig siarad a gwrando
    • yn asesu gwaith dysgwyr gan ddefnyddio strategaethau ystyrlon o ran asesu ar gyfer dysgu
  • A2 Mynychu grwpiau rhwydwaith rhanbarthol a hyfforddiant rhanbarthol, a chymryd rhan ynddynt, i ddatblygu medrau lefel uwch mewn addysgu a dysgu ieithoedd tramor modern

Dylai penaethiaid ac uwch arweinwyr:

  • A3 Gwella nifer y dysgwyr sy’n astudio o leiaf un iaith dramor fodern ar lefel arholiad trwy adolygu eu trefniadau ar gyfer cynllunio ac amserlennu’r cwricwlwm
  • A4 Gwneud yn siwr bod eu hathrawon ieithoedd tramor modern yn gallu manteisio ar ddatblygiad proffesiynol parhaus ‘Dyfodol byd-eang’ a gynigir mewn rhanbarthau ac ar eu traws i wella ansawdd dysgu ac addysgu ieithoedd tramor modern

Math o Adnodd Gwella: Adroddiad thematig

Rhannu'r dudalen hon

Argymhellion

Dylai colegau addysg bellach yng Nghymru adolygu eu polisïau ac arweiniad ar ymweliadau addysgol er mwyn sicrhau eu bod yn cydymffurfio ag arfer orau. Dylent:

  • A1 adolygu eu polisïau a’u harweiniad ategol ar gyfer ymweliadau addysgol er mwyn sicrhau eu bod yn amlinellu gweithdrefnau clir a syml ar gyfer cynllunio ymweliadau a bod cynlluniau ac asesiadau risg yn gymesur ag angen a lefel y risg
  • A2 mynnu bod arweinwyr grŵp yn meddu ar y wybodaeth, y cymhwysedd a’r profiad i drefnu ac arwain yr ymweliad, a’u bod wedi llofnodi datganiad eu bod wedi defnyddio’r arweiniad presennol wrth gynllunio’r ymweliad
  • A3 gwneud yn siŵr bod pob llety ar ymweliadau preswyl yn cael ei archwilio o ran addasrwydd, a bod staff goruchwylio yn aros yn yr un llety â dysgwyr
  • A4 mynnu, ar ymweliadau preswyl, bod trefniadau priodol ar gyfer goruchwylio amser di-fynd1 a bod yr holl staff sydd â rôl oruchwylio yn rhydd o alcohol
  • A5 mynnu bob amser bod yr holl ddysgwyr a rhieni yn ymwybodol o’r angen i gydymffurfio â chodau ymddygiad y coleg ar ymddygiad a chanlyniadau peidio â gwneud hynny
  • A6 gwneud yn siŵr bod gan unrhyw arweinydd cynorthwyol a/neu arweinwyr gwirfoddol rolau a chyfrifoldebau a ddeellir yn glir, a bod ganddynt gliriad diweddar gan y Gwasanaeth Datgelu a Gwahardd pan fyddant yn arwain grwpiau, sy’n cynnwys unrhyw ddysgwyr sydd naill ai o dan 18 oed neu oedolion sy’n agored i niwed
  • A7 darparu gwybodaeth glir i ddysgwyr a rhieni am gwmpas a chyfyngiadau eu polisïau yswiriant mewn perthynas ag ymweliadau addysgol, ac esbonio cyfrifoldebau a disgwyliadau darparwyr trydydd parti
  • A8 ystyried y cyngor yn yr Arweiniad Cenedlaethol ar ymweliadau addysgol a ddarparwyd gan y Panel Ymgynghorwyr Addysg Awyr Agored wrth adolygu eu polisïau a’u harweiniad ar ymweliadau addysgol

Dylai’r Adran Addysg a Sgiliau:

  • A9 fynnu bod yr holl golegau yn ystyried yr argymhellion hyn wrth adolygu a diweddaru eu polisïau a’u harweiniad ar ymweliadau addysgol

Math o Adnodd Gwella: Adroddiad thematig

Rhannu'r dudalen hon

Argynhellion

Dylai Llywodraeth Cymru:

  • A1 hyrwyddo cyfleoedd, fel prosiect y Gronfa Gwella Ansawdd, i gynorthwyo colegau wrth iddynt ddatblygu eu dulliau arsylwi addysgu a dysgu a’u hannog i rannu arfer arloesol ac effeithiol

Dylai ColegauCymru:

  • A2 gydweithio â cholegau a Llywodraeth Cymru i hyrwyddo cymunedau dysgu proffesiynol sy’n canolbwyntio ar ddatblygu addysgu a dysgu

Dylai Colegau:

  • A3 sefydlu diwylliant o wella, hunanarfarnu a dysgu proffesiynol er mwyn i’r holl staff ddeall eu rolau a’u cyfrifoldebau
  • A4 sefydlu arferion hunanarfarnu sy’n ystyried ystod eang o dystiolaeth, gan gynnwys arsylwi dosbarthiadau sy’n canolbwyntio ar safonau cyflawniad dysgwyr ac ar ansawdd addysgu a dysgu
  • A5 datblygu polisïau ac arferion clir a phenodol ar gyfer arsylwi addysgu a dysgu y mae’r holl staff yn eu deall a’u cymhwyso, a sicrhau bod yr holl staff sy’n gyfrifol am ddysgu, gan gynnwys cynorthwywyr cymorth dysgu, yn elwa ar arsylwadau rheolaidd
  • A6 trefnu cyfleoedd ar gyfer datblygiad proffesiynol staff, ar sail tystiolaeth sy’n cynnwys arsylwi addysgu a dysgu, sy’n cyfateb i flaenoriaethau’r coleg ac aelodau staff unigol
  • A7 ystyried manteision achredu arsylwyr â ‘thrwydded arsylwi’ fewnol neu fframwaith achredu allanol er mwyn gwella ansawdd a chysondeb hyfforddiant i arsylwyr
  • A8 gweithio ar y cyd â cholegau eraill i wella cysondeb arsylwadau wedi’u graddio ar draws colegau a rhannu arfer dda
  • A9 datblygu’r defnydd o arsylwadau heb eu graddio i helpu athrawon i ddatblygu eu medrau addysgu
  • A10 annog athrawon i fod yn berchen ar eu harfer broffesiynol eu hunain trwy roi cyfleoedd iddynt fyfyrio ar arfer, gan ddefnyddio arsylwadau cymheiriaid heb eu graddio, aelodaeth o rwydweithiau proffesiynol, mentora a chymorth cymheiriaid

Math o Adnodd Gwella: Adroddiad thematig

Rhannu'r dudalen hon

Gellir grwpio’r rhwystrau y mae dysgwyr anabl yn eu hwynebu yn bedwar maes, yn ymwneud â’r swydd, y cyflogwr, y gweithiwr a’r cymorth.  Mae rhwystrau’n bodoli o ran natur y swyddi sy’n cael eu cynnig, y diffyg dealltwriaeth ymhlith cyflogwyr ynglŷn ag anghenion gweithwyr anabl, lefel hunanhyder isel darpar weithwyr, a pha mor anodd yw hi i gael at wasanaethau’r Ganolfan Byd Gwaith. 

Mae darparwyr dysgu yn y gwaith ac asiantaethau cyflogaeth yn cynorthwyo cyflogwyr i addasu arferion er mwyn integreiddio cleientiaid ag anableddau yn y gweithle yn gyfartal.  Fodd bynnag, nid yw rôl darparwyr wrth chwalu rhwystrau wedi’i sefydlu’n ddigon da ac nid oes digon o gysylltiadau rhwng asiantaethau allanol, cyflogwyr a darparwyr.

Rhwystr mawr i ddysgwyr duon ac ethnig lleiafrifol yw amgyffrediad eu rhieni mai i’r rheiny sydd heb wneud yn dda yn yr ysgol y mae prentisiaethau. Mae darparwyr dysgu yn y gwaith yn mynd i’r afael â’r amgyffredion negyddol hyn trwy gyflogi swyddogion recriwtio arbenigol sy’n darparu gwell gwybodaeth, cymorth ac arweiniad i bobl ifanc. 

The report contains a number of case studies on how barriers to apprenticeship can be overcome, including work undertaken by Cwm Tawe Health Board, and Cardiff and the Vale University Health Board. 

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • A1 Ddiwygio’r safonau arweinyddiaeth i gyfleu’r disgwyliadau uwch o arweinwyr a chanolbwyntio’n fanylach ar y medrau arweinyddiaeth a’r ymddygiad sydd eu hangen i ysgogi newid

Dylai paneli arfarnu:

  • A2 Bennu amcanion priodol sy’n mynd i’r afael ag ymddygiad arweinyddiaeth a sut mae arweinwyr yn ymgymryd â’u rolau, yn ogystal âdeilliannau mesuradwy
  • A3 Cofnodi’n fanwl, gan ddefnyddio’r ystod lawn o safonau arweinyddiaeth, pa mor dda y mae’r pennaeth wedi cyflawni’r rô, yn ogystal ag adrodd ar yr hyn y mae’r pennaeth wedi ei gyflawni

Dylai awdurdodau lleol / consortia rhanbarthol:

  • A4 Annog penaethiaid i fyfyrio’n gyfannol ar ansawdd eu harweinyddiaeth gan ddefnyddio’r themâ a amlinellir yn y safonau arweinyddiaeth, ac yn unol â’r arweiniad ar Adolygiad Arweinyddiaeth Unigol a ddarperir ar wefan ‘Dysgu Cymru’
  • A5 Herio’r pennaeth a’r corff llywodraethol i sicrhau bod cyfleoedd priodol i’r holl staff ddatblygu eu medrau arweinyddiaeth

Dylai penaethiaid:

  • A6 Fyfyrio’n ysgrifenedig ar ba mor dda y maent yn bodloni’r ystod ehangach o safonau arweinyddiaeth, yn ogystal âph’un a ydynt wedi bodloni amcanion rheoli perfformiad ai peidio
  • A7 Sicrhau bod cyfleoedd i’r holl staff yn eu hysgolion ddatblygu eu rolau a’u medrau arweinyddiaeth ar hyd eu gyrfaoedd
  • A8 Hyfforddi a mentora staff sy’n dangos yr ymddygiad a’r medrau a fyddai’n eu galluogi i ddod yn arweinwyr yn y dyfodol