Mae’r arweiniad hwn yn disodli ein harweiniad blaenorol ynghylch ‘dysgwyr ag anghenion dysgu ychwanegol (ADY) 2022’. Mae’n cynorthwyo arolygwyr wrth werthuso’r deilliannau a’r ddarpariaeth ar gyfer dysgwyr sydd ag anghenion dysgu ychwanegol (ADY). Mae’n cynnwys gwybodaeth fuddiol i gefnogi arolygu deilliannau a darpariaeth ar gyfer dysgwyr ag ADY. Dylai arolygwyr ddefnyddio’r arweiniad hwn ochr yn ochr â’u harweiniad sector eu hunain. Hefyd, gallai fod yn fuddiol iddynt gyfeirio at ein harweiniad atodol ar faterion cysylltiedig sy’n dylanwadu ar ddeilliannau a darpariaeth ar gyfer y dysgwyr hyn, er enghraifft ar leihau effaith tlodi ar gyrhaeddiad addysgol a lles.