Esbonio arolygu

Related content

Share this page

Mae gan Estyn ddull arolygu newydd mewn ysgolion ac unedau cyfeirio disgyblion ledled Cymru.

Ni fydd ein hadroddiadau arolygu yn cynnwys graddau crynodol mwyach (e.e. ‘Rhagorol’, ‘Da’ neu ‘Digonol’). Yn hytrach na chanolbwyntio ar raddau, bydd ein hadroddiadau’n manylu ar ba mor dda mae darparwyr yn helpu plentyn i ddysgu.
Diweddarwyd y dudalen hon ar 05/02/2024

Bydd trosolwg allweddol o’r canfyddiadau yn cael ei gynnwys ym mhennawd yr adroddiad, yn canolbwyntio ar gryfderau’r ysgol a’i meysydd i’w datblygu.

Byddwn hefyd yn llunio adroddiad cryno ar wahân i rieni, a fydd yn galluogi rhieni i ddod o hyd i’r wybodaeth allweddol sydd ei hangen arnynt am arolygiad yn gyflym.

Mae ein dull newydd yn alinio â natur bersonol y cwricwlwm newydd i Gymru. Bydd ein harolygiadau hefyd yn cynnwys mwy o drafodaethau wyneb-yn-wyneb ac yn rhoi llai o bwyslais ar ddata cyflawniad.

Credwn y bydd ein dull arolygu newydd yn ei gwneud yn haws i ddarparwyr gael mewnwelediadau ystyrlon sy’n eu helpu i wella heb roi’r pwyslais ar farn.

Nid oes unrhyw newid i’r categorïau statudol, sef mesurau arbennig a gwelliant sylweddol. Rydym yn cadw’r categori adolygu gan Estyn a byddwn yn parhau i rannu arfer arloesol neu effeithiol hefyd.

Er mwyn ymateb i adborth, rydym wedi lleihau’r cyfnod rhybudd ar gyfer arolygiadau o 15 i 10 diwrnod gwaith. Dros yr ychydig flynyddoedd nesaf, byddwn yn cydweithio â phartneriaid a rhanddeiliaid i gasglu eu safbwyntiau wrth i ni geisio esblygu ein fframwaith arolygu ymhellach, gan gynnwys symud tuag at arolygiadau mwy rheolaidd ar draws darparwyr.

Cynllunio

Mae cyfnod rhybudd o arolygiad yn wahanol i bob sector.

Nid yw dyddiad yr arolygiad nesaf yn gysylltiedig â dyddiad yr arolygiad blaenorol.

Sector Cyfnod rhybudd
Lleoliadau nas cynhelir 10 niwrnod
Ysgolion a gynhelir ac UCDau 10 niwrnod
Ysgolion annibynnol 10 niwrnod
Addysg Bellach 15 niwrnod
Dysgu yn y gwaith 15 niwrnod
Dysgu Oedolion yn y Gymuned 15 niwrnod
Cymraeg i Oedolion 15 niwrnod
Addysg Gychwynnol Athrawon 8 wythnos
Gwasanaethau Addysg Llywodraeth Leol 10 wythnos

 

Amserlen Arolygu Archif

xlsx, 259.15 KB

Sut rydym ni’n arolygu

Credwn yn gryf y dylai arolygu fod yn brofiad cadarnhaol i bawb sy’n gweithio ym maes addysg a hyfforddiant.

Mae’r animeiddiad a’r ffeithluniau isod yn esbonio sut rydym ni’n mynd ati. 
 

Trawsgrifiad

Animeiddiad - Trefniadau arolygu newydd

    

Trawsgrifiad

Ein meddylfryd

Ein meddylfryd
Ein meddylfryd
Ein meddylfryd

pdf, 2.1 MB Cymraeg

Ein hegwyddorion

Ffeithlun: Ein hegwyddorion
Ein hegwyddorion
Ffeithlun: Ein hegwyddorion

pdf, 2.23 MB Cymraeg

Beth rydym ni’n ei arolygu

Dod o hyd i ganllawiau arolygu

Beth a Sut rydym yn arolygu, arweiniad atodol, dilyniant a'r llawlyfr i enwebeion.

Gweithgarwch dilynol

Yn ystod arolygiad, rydym yn ystyried a oes angen unrhyw gefnogaeth bellach ar y darparwr. Rydym yn galw hyn yn 'weithgaredd dilynol'.

Gallwch ddod o hyd i’r holl ddogfennau gweithgarwch dilynol yn ein cyfleuster chwilio am arweiniad arolygu

Gwahanol fathau o weithgarwch dilynol

  Ysgol Nas cynhelir Ôl-16** Dysgu yn y gwaith
Adolygiad gan Estyn x   x x
Adolygu cynnydd   x    
Gwelliant â ffocws   x    
Gwelliant sylweddol* x      
Mesurau arbennig* x      
Ailarolygiad     x x

*Yn dynodi categori statudol **Ac eithrio darparwyr dysgu yn y gwaith

Esbonio arolygu - Rhestr chwarae

Dyma rai o’r pethau y mae penaethiaid ac uwch arweinwyr wedi dweud wrthym am y ffordd y mae arolygiadau wedi newid.

Gwyliwch y rhestr chwarae

 

Rhan o Y broses arolygu