Chwiliwch am arfer effeithiol

Teacher training

Gwella datblygiad proffesiynol

Mae arweinwyr ym Meithrinfa Ddydd Little Stars yn defnyddio matrics medrau i nodi anghenion hyfforddi unigol a grŵp. Mae hyn yn sicrhau dull cyson ar draws y feithrinfa. Mae aelodau newydd o’r tîm yn datblygu’n gyflym ac mae pob un o’r ymarferwyr yn ymdrechu i wella perfformiad pobl eraill. Mae staff yn llawn cymhelliant i wella eu medrau, ac fe gaiff hyn effaith gadarnhaol iawn ar ddeilliannau plant. Mae staff yn hyderus fod eu llais yn cael ei glywed, ac mae hyn yn eu helpu i deimlo eu bod yn cael eu gwerthfawrogi a’u parchu. Darllen mwy >

Teacher uses sign language with Pupil

Ysgol yn annog amgylchedd dysgu gofalgar a chynhwysol

Mae disgyblion yn Ysgol Gynradd Cogan yn elwa ar amgylchedd dysgu cadarnhaol. Mae’n helpu disgyblion i deimlo’n sicr ac yn cyfoethogi eu dysgu. Mae’r cyngor yn darparu cymorth penodol i ddisgyblion ag anawsterau clyw, ac yn annog disgyblion a staff i ddefnyddio arwyddo ac offer cyfathrebu gweledol eraill yn ddyddiol o ddydd i ddydd. Mae’r ysgol yn dathlu amrywiaeth a chynhwysiant trwy roi cyfle i ddisgyblion ddysgu am ddiwylliannau a chrefyddau gwahanol. Darllen mwy >

boy smile

Cyflawni safonau uchel trwy les disgyblion

Mae Ysgol Gynradd Craigfelen yn sicrhau bod disgyblion yn hapus, yn llawn cymhelliant ac yn cyflawni safonau uchel trwy gwricwlwm cyfoethog a chyffrous, sy’n eu paratoi nhw at y dyfodol. Mae’r holl staff yn canolbwyntio ar ddatblygu eu harfer er mwyn rhoi gwersi diddorol a difyr. Darllen mwy >

children

Cynllunio trylwyr a rolau wedi’u diffinio’n glir yn gwella ansawdd

Mae gan Feithrinfa Seren Fach ffocws cadarn ar welliant parhaus. Mae’n arfarnu ac yn gwella ansawdd trwy staffio strwythuredig ac amcanion clir. Mae rheolwyr ac ymarferwyr yn canolbwyntio ar ddatblygu’u medrau a’u gwybodaeth. Hefyd, mae’r feithrinfa yn gwerthfawrogi cyfraniadau eu rhanddeiliaid i’w helpu i ddatblygu’n barhaus. Darllen mwy >

temp

Cefnogi athrawon newydd gymhwyso gan ddefnyddio mentora ac anogaeth gan staff yr ysgol

Creodd Ysgol Gynradd Tredeml raglen ddatblygu ddwys, bwrpasol, a oedd yn para blwyddyn, a fodlonodd anghenion dysgu disgyblion ac athrawon newydd gymhwyso yn llwyddiannus. Darllen mwy >

People in an office in a discussion

Creu diwylliant proffesiynol o ddisgwyliadau cyson uchel

Mae arweinwyr yn Ysgol Uwchradd Llysweri wedi creu diwylliant lle mae gan athrawon ddisgwyliadau cyson uchel. Maent wedi darparu datblygiad proffesiynol amserol a pherthnasol ar gyfer staff. Mae pob un o’r staff yn cymryd rhan mewn rhwydweithiau arfer broffesiynol a rhwydweithiau dysgu ar y cyd. Mae hyn wedi arwain at synnwyr o gyfrifoldeb ar y cyd ar gyfer gwella addysgeg ac arfer yn barhaus. Darllen mwy >

Animated lecture

Defnyddio sesiynau datblygiad proffesiynol wedi’u harwain gan athrawon yn seiliedig ar dystiolaeth i wella addysgu ar lefel ysgol gyfan

Rhoddir blaenoriaeth uchel i ddysgu proffesiynol yn Ysgol Uwchradd Aberteifi ac mae arweinwyr wedi buddsoddi amser a chyllid sylweddol ar gyfer y flaenoriaeth hon. Mae’r cyfleoedd dysgu proffesiynol a roddir i staff wedi arwain at arferion addysgu gwell a llawer mwy o gysondeb wrth gyflwyno addysgu da ar draws yr ysgol. Mae rhoi cyfle i athrawon arwain gweithgareddau dysgu proffesiynol wedi cryfhau gallu i arwain yn yr ysgol. Darllen mwy >

Teachers learning together

Annog athrawon i siarad â’i gilydd a dysgu oddi wrth ei gilydd

Mae arweinwyr yn Ysgol Gynradd Deighton wedi annog athrawon i siarad â’i gilydd a dysgu oddi wrth ei gilydd. Dros gyfnod, mae athrawon wedi agor eu hystafelloedd dosbarth i’w cydweithwyr ac wedi rhannu eu harfer ag ysgolion eraill, ac wedi dysgu oddi wrthynt. Mae athrawon yn yr ysgol yn hyderus ac yn barod i gymryd risgiau addysgegol pwyllog ac maent yn rhoi cynnig ar ddulliau a strategaethau newydd er mwyn parhau i ddatblygu’n broffesiynol. Darllen mwy >

Graph animation

Cynnal rhagoriaeth mewn addysgu

Mae Ysgol Gynradd Herbert Thompson yn darparu cyfleoedd dysgu proffesiynol o ansawdd uchel ar gyfer pob un o’i staff. Mae’r cyfleoedd hyn yn cysylltu’n dda ag arfer ystafell ddosbarth a chânt eu cefnogi gan hyfforddi effeithiol. Mae’r gweithgareddau dysgu proffesiynol yn meithrin gallu pob un o’r staff ac yn eu galluogi i ‘anelu am ragoriaeth’ yn eu haddysgu. Darllen mwy >

Animated whiteboard

‘Ffordd Y Pant’

Mae Ysgol Gyfun Y Pant wedi datblygu ymagwedd ysgol gyfan at addysgeg, y mae staff yn ei deall a’i chymhwyso’n gyson. Mae’r dull hwn yn rhoi pwyslais cryf ar ddysgu proffesiynol ac yn arwain at arfer ystafell ddosbarth hynod gyson ac effeithiol. Darllen mwy >

Pages