Chwiliwch am arfer effeithiol

Teacher helps pupil in classroom

Ymagwedd systematig at ddysgu

Mae staff yn Ysgol Llwyn yr Eos wedi creu ymagwedd gydlynus a systematig at ddysgu. Mae cwricwlwm pwrpasol wedi’i deilwra i’w hanghenion penodol ar gael i’r holl ddisgyblion. Caiff y cyfuniad o strategaethau addysgu effaith hynod gadarnhaol ar gyflawniad a lles disgyblion. Defnyddir offer diagnostig i olrhain a monitro cynnydd, lles ac ymddygiad disgyblion. Mae’r broses fonitro yn dangos bod rhan fwyaf y disgyblion, gan gynnwys y rhai ag anghenion dysgu ychwanegol, yn gwneud cynnydd da a chynnydd da iawn yn aml. Darllen mwy >

Pupils working on desk

Rhoi’r grym i ddisgyblion ddysgu

Mae Ysgol Y Foryd yn cefnogi cynnydd a datblygiad disgyblion fel dysgwyr annibynnol trwy ddefnyddio strategaethau asesu ar gyfer dysgu. Mae staff yn addysgu’r disgyblion i wynebu heriau ac yn defnyddio camgymeriadau fel cyfleoedd dysgu. Rhoddir adborth adeiladol iddynt er mwyn eu helpu i ddeall yr hyn y mae angen iddynt ei wneud i wella eu gwaith. Mae disgyblion yn cyfrannu at gynllunio gwersi gyda syniadau am yr hyn yr hoffent ei ddysgu, a sut gallant gyflawni hyn. Maent yn annibynnol yn eu dysgu a gallant nodi’r hyn y mae angen iddynt ei wneud er mwyn gwella eu gwaith. Darllen mwy >

Teacher in classroom

Elwa ar frwdfrydedd disgyblion

Bu staff yn Ysgol Gynradd Trinant yn cydweithio â disgyblion ar yr hyn yr hoffent ei ddysgu. Gyda’i gilydd, fe wnaethant gyd-lunio eu taith ddysgu eu hunain. Sicrhaodd y broses hon nad oedd dysgu’n dod yn rhagweladwy a sefydlog. Defnyddiodd yr ysgol grantiau i ariannu profiadau go iawn, yn amrywio o ymchwiliadau safle trosedd i adolygu perfformiadau theatr yn feirniadol. Llwyddodd y gweithgareddau hyn i ennyn diddordeb disgyblion a helpu i ddatblygu diwylliant o ymholi, arloesedd ac archwilio. Llwyddir i elwa ar frwdfrydedd disgyblion ac mae hyn yn eu cymell i lwyddo. Darllen mwy >

Governor working with pupils

Corff llywodraethol yn helpu cryfhau gwelliant ysgol

Mae llywodraethwyr Ysgol Gynradd Trinant yn dod ag amrywiaeth o gryfderau ac arbenigedd i’r ysgol. Mae’r corff llywodraethol wedi ymrwymo’n llawn i wella’r ysgol ac yn ymgymryd â’u cyfrifoldebau o ddifrif. Mae eu gwaith yn dilyn pecyn cymorth hunanwella’r ysgol ac yn cysylltu â phroses hunanwerthuso’r ysgol. Mae hyfforddiant wedi cael effaith gadarnhaol ar effeithiolrwydd y corff llywodraethol. Maent yn cymryd rhan yn rheolaidd ym mywyd yr ysgol, sy’n galluogi iddynt weithio fel rhan o dîm ac yn rhannu nod cyffredin o ran ceisio lefel uchel o lwyddiant i ddisgyblion. Darllen mwy >

Teacher helps pupil with task

Gwneud dysgu yn brofiad byw

Mae staff yn Ysgol Gynradd Ewloe Green yn gwneud i ddysgu ddod yn fyw wrth ddarparu ar gyfer pob math o ddysgwyr drwy ddulliau ymarferol. Mae hyn wedi rhoi hwb i hyder disgyblion ac wedi ennyn diddordeb y rhai sydd wedi bod yn amharod i gyfranogi yn flaenorol. Mae’r ysgol yn canolbwyntio ar chwe maes dysgu trwy gydol y flwyddyn, sy’n cysylltu â’r cwricwlwm newydd yng Nghymru. Mae gwneud dysgu yn brofiad byw wedi rhoi’r cyfle i ddisgyblion leisio’u barnau ar y modd y maent yn dysgu. Darllen mwy >

Pupils using leadership skills

Datblygu medrau arwain

Caiff disgyblion yn Ysgol Gynradd Gatholig Rufeinig Sant Joseph eu hannog i ymgymryd ag ystod eang o gyfrifoldebau i wella eu medrau arwain. Mae Senedd yr Ysgol yn cynnwys plant o Flwyddyn 2 i Flwyddyn 6. Caiff hyn effaith ar annibyniaeth disgyblion, eu medrau cydweithio a’u hagweddau at ddysgu. Trwy ddatblygu camau gweithredu a fydd yn effeithio ar yr ysgol, mae disgyblion yn teimlo eu bod yn cael eu gwerthfawrogi, ac yn datblygu i fod yn unigolion hyderus. Mae’r ymdeimlad hwn o berchnogaeth yn sicrhau eu bod wedi eu cymell ac yn eu helpu i wella eu medrau datrys problemau. Darllen mwy >

Teacher using electronic whiteboard

Creu fframwaith strategol

Datblygodd arweinwyr yn Ysgol Stryd y Rhos y cyswllt rhwng hunanwerthuso, rheoli perfformiad a gosod targedau i greu cynnydd cryf a chynaledig gan ddisgyblion. Sefydlodd yr ysgol fframwaith i sicrhau bod eu gweledigaeth a’u blaenoriaethau yn cael eu rhoi ar waith yn llwyddiannus. Mae gosod targedau i ddatblygu safonau llythrennedd a rhifedd wedi cael effaith gadarnhaol ar gynnydd disgyblion. O ganlyniad i’r dull hwn, mae mwyafrif y disgyblion yn gadael yr ysgol gyda medrau yn uwch na’r disgwyl. Darllen mwy >

Father helps child with reading

Datblygu arferion darllen da

Fe wnaeth Ysgol Gynradd Alltwen wella safonau darllen disgyblion trwy redeg caffi wythnosol ar gyfer darllen ar y rhyngrwyd. Fe wnaeth hyn alluogi’r ysgol i weithio gyda rhieni i gynyddu cyfleoedd i ddarllen ac i wella arferion darllen. Roedd bron bob un o’r disgyblion a gymerodd ran yn y cynllun wedi gwneud cynnydd a chodi’u hoedran darllen. Mae mwyafrif y disgyblion yn darllen mwy gartref. Hefyd, fe wnaeth y cynllun ganiatáu i’r ysgol ddatblygu perthnasoedd cadarnhaol gyda rhieni. Darllen mwy >

Parents help children learn at home

Cefnogi ymgysylltiad rhieni trwy weithdai

Mae ymgysylltiad rhieni wedi gwella yn Ysgol Gynradd St Julian, diolch i weithdai a digwyddiadau teuluol. Maent yn rhoi’r cyfle i rieni gefnogi dysgu a lles, gartref ac yn yr ysgol. Mae’r gweithdai yn cynnwys rhieni yn gweithio gyda’u plentyn i weld beth sy’n cael ei addysgu yn yr ysgol fel eu bod yn gallu parhau â’u dysgu gartref. Mae hyder rhieni wrth helpu’u plant i ddysgu wedi gwella, ac mae hyn wedi cael effaith gadarnhaol ar les disgyblion. Darllen mwy >

Children playing in playground

Diwylliant yr ysgol yn canolbwyntio ar hawliau plant

Mae Ysgol Gynradd Gymraeg Llwynderw wedi gwreiddio hawliau plant yn ei diwylliant, gan wella lles disgyblion. Mae ymdeimlad o berchnogaeth o’u hysgol gan y disgyblion, ac maent yn cyfrannu at ei gwelliant. Mae ymddygiad disgyblion yn rhagorol ac mae lefel yr ymrwymiad i ddysgu wedi gwella hefyd. Mae hawliau plant wedi dod yn rhan wirioneddol ac ystyrlon o fywyd dyddiol pob disgybl, ac mae hyn wedi arwain at gynnydd mewn presenoldeb. Darllen mwy >

Pages