Chwiliwch am arfer effeithiol

Pupils playing together while Teacher observes

Ysgol yn datblygu profiad dysgu arloesol i ddisgyblion

Mae Ysgol Gynradd Cogan wedi gwella safonau a lles drwy’r ysgol gyfan. Mae ei diwylliant dysgu wedi rhoi’r hyder i staff rannu dulliau sy’n arwain at gyfleoedd dysgu gwell i ddisgyblion. Mae menter ‘bydis’ yn galluogi disgyblion i rannu eu gwaith a thrafod eu mwynhad wrth ddysgu. Mae hefyd yn darparu ffynhonnell effeithiol o fonitro anffurfiol i athrawon. Darllen mwy >

Teacher uses sign language with Pupil

Ysgol yn annog amgylchedd dysgu gofalgar a chynhwysol

Mae disgyblion yn Ysgol Gynradd Cogan yn elwa ar amgylchedd dysgu cadarnhaol. Mae’n helpu disgyblion i deimlo’n sicr ac yn cyfoethogi eu dysgu. Mae’r cyngor yn darparu cymorth penodol i ddisgyblion ag anawsterau clyw, ac yn annog disgyblion a staff i ddefnyddio arwyddo ac offer cyfathrebu gweledol eraill yn ddyddiol o ddydd i ddydd. Mae’r ysgol yn dathlu amrywiaeth a chynhwysiant trwy roi cyfle i ddisgyblion ddysgu am ddiwylliannau a chrefyddau gwahanol. Darllen mwy >

Pupils and staff at Brynsierfel Primary

Codi safonau lles ymhlith disgyblion a staff

Mae gan Ysgol Gymraeg Brynsierfel weithdrefn effeithiol ar gyfer olrhain a monitro lles disgyblion yn ddyddiol. Mae’r ysgol yn cynnal sesiynau ymyrraeth i hyrwyddo agweddau cadarnhaol, sy’n galluogi disgyblion i rannu eu pryderon, trafod eu teimladau a gwella eu medrau hunanreolaeth. Mae gwasanaethau yn yr ysgol yn trafod moeswersi, ac mae sesiynau i hyrwyddo perthnasoedd iach a chadarnhaol, yn ogystal â dosbarthiadau i rieni. Mae system ‘Bydis Buarth’ ar waith hefyd i annog disgyblion i gynnwys eu holl gyfoedion mewn gweithgareddau. Darllen mwy >

Children in fancy dress

Asesu ar gyfer Dysgu a medrau meddwl

Mae Ysgol Gynradd Gaer wedi codi safonau i ddysgwyr trwy sefydlu gweithdrefnau ‘asesu ar gyfer dysgu’. Mae’r rhain wedi cael effaith sylweddol o ran newid y diwylliant mewn ystafelloedd dosbarth. Trwy ddefnyddio hetiau lliw, mae disgyblion yn asesu eu hunain a’u cyfoedion. Mae’r broses hon wedi helpu disgyblion i atgyfnerthu eu dysgu trwy esbonio syniadau i bobl eraill. Darllen mwy >

Cyngor ysgol yn datblygu lles disgyblion ac yn gosod cyfeiriad strategol

Mae Ysgol Beca wedi uno nifer o grwpiau’r cyngor er mwyn helpu i weithio tuag at amlygu meysydd sy’n flaenoriaeth i’r ysgol a’i disgyblion. I ddechrau, casglodd y cyngor farn gan ddefnyddio holiaduron y disgyblion i sefydlu meysydd pryder. Mae dull gweithredu’r cyngor wedi datblygu ymdeimlad o berchenogaeth y disgyblion ar eu hysgol, a’u balchder ynddi. O ganlyniad, mae ymrwymiad a brwdfrydedd disgyblion tuag at fywyd a gwaith yr ysgol yn rhagorol. Darllen mwy >

school playground

Datblygu cwricwlwm sy’n gwella medrau disgyblion a’u brwdfrydedd tuag at ddysgu

Mae Ysgol Beca wedi rhoi’r gorau i wersi traddodiadol ac wedi defnyddio cyfnodau dysgu thematig yn y prynhawniau i ddatblygu medrau rhifedd a llythrennedd trwy wyddoniaeth a TGCh. Mae addysgu’n digwydd mewn grwpiau bychain yn hytrach nag ar ffurf dysgu dosbarth cyfan. O ganlyniad i gynllunio da, mae disgyblion wedi datblygu i lefelau uchel iawn, maent yn ymfalchïo yn eu gwaith ac yn cymryd perchenogaeth arno. Darllen mwy >

rainbow

Dathlu amrywiaeth er mwyn cefnogi disgyblion gwybodus, cyfrifol a goddefgar

Mae Ysgol Gynradd Clytha yn annog disgyblion i wneud penderfyniadau, bod yn chwilfrydig a meddwl yn annibynnol trwy herio stereoteipiau yn agweddau, dewisiadau, disgwyliadau a chyflawniadau disgyblion. Mae’r ysgol wedi datblygu cysylltiadau hynod effeithiol gydag amrywiaeth o sefydliadau, gan gynnwys Stonewall Cymru, Athletwyr Paralympaidd a Chymru dros Heddwch i gefnogi datblygiad personol disgyblion. Mae’r ysgol yn defnyddio ymwelwyr o’r gymuned a thu hwnt i gael pob disgybl i fyfyrio ar eu gwerthoedd. Mae hyn wedi rhoi’r grym i ddisgyblion ddatblygu fel dinasyddion gwybodus, cyfrifol a goddefgar yn llwyddiannus iawn. Darllen mwy >

three girls

Gwella lles disgyblion a’u hagweddau at ddysgu trwy gyfoethogi’r cwricwlwm

A hithau wedi’i hysbrydoli a’i hymrymuso gan y cwricwlwm newydd, mae Ysgol Gynradd Maes yr Haul wedi cyflwyno clybiau amser cinio ac ar ôl ysgol i ehangu’r amrywiaeth o gyfleoedd i ddisgyblion, gan eu hannog nhw i roi cynnig ar weithgareddau newydd i wella lles. Mae’r rhain yn cynnwys dysgu am dyfu planhigion yn y clwb garddio a datblygu medrau meddwl yn y clwb codio. O ganlyniad, mae safonau disgyblion wedi gwella ac mae hyder ac arbenigedd staff wedi datblygu. Darllen mwy >

Gwella medrau llafaredd gan ddefnyddio testunau heriol

Mae Ysgol Gynradd Tywyn wedi gwella safon medrau llafaredd ar draws yr ysgol gyfan trwy ddefnyddio testunau heriol i ddatblygu medrau llafar a pherfformio disgyblion. Mae staff wedi cael hyfforddiant ar therapi iaith a lleferydd i nodi grwpiau ar gyfer ymyrraeth gynnar. Mae disgyblion yn dadansoddi cerddi ac yn cael eu hannog i ddeall y cymeriadau a’r themâu sylfaenol. O ganlyniad, mae hunan-barch disgyblion wedi gwella’n sylweddol ac maent bellach yn fwy hyderus wrth berfformio ar gyfer gwahanol gynulleidfaoedd a dibenion. Darllen mwy >

children in forest

Cynllun cwricwlwm creadigol mwy hyblyg i ennyn diddordeb disgyblion

Mae Ysgol Gynradd Penbre wedi newid sut mae’n mynd ati i addysgu trwy wneud i gynllunio’r cwricwlwm fod yn fwy hyblyg fel ei fod yn addas i ddiddordebau’r disgyblion. Crëwyd chwe pharth dysgu, gydag adnoddau sy’n cefnogi a herio datblygiad medrau disgyblion. Mae’r parthau hyn wedi hybu dysgu annibynnol trwy gwricwlwm creadigol sy’n cael ei arwain gan y disgyblion. Mae disgyblion wedi gwneud cynnydd cryf, gan weithio’n fedrus a gwneud penderfyniadau pwysig am eu dysgu. Darllen mwy >

Pages