Chwiliwch am arfer effeithiol

bethesta

Mae lleisiau disgyblion o bwys

Mae Ysgol Pen-y-bryn yn annog disgyblion i leisio eu barn am yr ysgol mewn cyfarfodydd rheolaidd. Mae grwpiau o ddisgyblion yn trafod ac yn rhannu’r blaenoriaethau penodol sydd eu hangen i wella meysydd yn yr ysgol. O ganlyniad, mae medrau llythyrennedd, rhifedd a TGCh disgyblion wedi datblygu. Darllen mwy >

abercaseg

Athrawon yn cydweithio â’i gilydd i sicrhau bod strategaethau’n datblygu medrau craidd disgyblion

Mae gan Ysgol Abercaseg safonau cyson uchel o ganlyniad i weithgareddau hunanarfarnu parhaus. Mae’r ysgol wedi datblygu strategaethau cryf i gynorthwyo ei dysgwyr, ac mae athrawon wedi cydweithio â’i gilydd er mwyn gwneud yn siŵr fod llesiant a lles dysgwyr yn flaenoriaeth. Mae hyn wedi arwain at safonau uchel, datblygu medrau craidd dysgwyr ac, yn benodol, rhifedd. Darllen mwy >

gladstone

Rhaglen anogaeth gefnogol yn cynyddu lefelau hunan-barch disgyblion

Mae Ysgol Gynradd Gladstone yn ymrwymo i gynorthwyo ei disgyblion. Mae clybiau brecwast a mannau dynodedig yn galluogi disgyblion i siarad yn agored am unrhyw bryderon corfforol neu emosiynol. Darllen mwy >

children play

Darpariaeth effeithiol i ddisgyblion sydd ag anghenion dysgu ychwanegol

Mae Ysgol Heulfan wedi ailasesu darpariaeth i gynorthwyo anghenion dysgu ei disgyblion. Trwy gynlluniau datblygu unigol a sefydlu meysydd datblygu allweddol, mae disgyblion wedi canolbwyntio ar fedrau meddwl, cyfathrebu, TGCh a rhif mewn tasgau dyddiol. Mae dysgu ar y cyd wedi datblygu medrau personol a chymdeithasol disgyblion. Mae prosiectau ymgysylltu â theuluoedd a’r gymuned hefyd wedi gwella medrau bywyd go iawn disgyblion. Darllen mwy >

oracy

Datblygu medrau llefaredd disgyblion yn gyflym

Trwy gysylltiadau agos â rhieni, therapyddion ac ymarferwyr sydd wedi cael lefel uchel o hyfforddiant, mae Ysgol Gynradd Heulfan wedi helpu i wella llefaredd disgyblion gan ddefnyddio ystod o dechnegau cyfathrebu, o ganu ac arwyddo, i siarad a gwrando, gan ddefnyddio geirfa ddwyieithog. Nododd adborth ac adroddiadau gynnydd cyflym drwy’r ysgol gyfan. Darllen mwy >

children at desk

Ymdrechu am ddysgu annibynnol i bob disgybl

Nododd Ysgol Plascrug fod y broses hunanarfarnu ar gyfer annibyniaeth ei dysgwyr yn hanfodol i ddatblygiad llwyddiannus y newidiadau arfaethedig i’r cwricwlwm. Mae’n sicrhau bod disgyblion yn berchen ar eu dysgu, a datblygwyd ‘Wythnosau Arloesi’ ar sail pynciau a awgrymwyd gan ddisgyblion. Roedd yr wythnosau hyn yn galluogi dysgwyr i fireinio eu prosesau sydd wrth wraidd pob profiad dysgu. Darllen mwy >

People in an office in a discussion

Creu diwylliant proffesiynol o ddisgwyliadau cyson uchel

Mae arweinwyr yn Ysgol Uwchradd Llysweri wedi creu diwylliant lle mae gan athrawon ddisgwyliadau cyson uchel. Maent wedi darparu datblygiad proffesiynol amserol a pherthnasol ar gyfer staff. Mae pob un o’r staff yn cymryd rhan mewn rhwydweithiau arfer broffesiynol a rhwydweithiau dysgu ar y cyd. Mae hyn wedi arwain at synnwyr o gyfrifoldeb ar y cyd ar gyfer gwella addysgeg ac arfer yn barhaus. Darllen mwy >

Animated people around a desk

Gwneud pob un o’r staff yn atebol am ansawdd yr addysgu

Mae arweinwyr yn Ysgol Syr Hugh Owen wedi gweithio’n llwyddiannus i greu diwylliant o gyfrifoldeb ar y cyd ar gyfer gwella addysgu. Gwella addysgu yw un o gyfrifoldebau craidd pob aelod o dîm arweinyddiaeth yr ysgol. Ar ôl cymorth a datblygiad proffesiynol, mae gan arweinwyr atebolrwydd cynyddol am ansawdd yr addysgu yn eu hadrannau. Mae gan bob un o’r athrawon darged rheoli perfformiad o ran gwella addysgu. Darllen mwy >

Animated lecture

Defnyddio sesiynau datblygiad proffesiynol wedi’u harwain gan athrawon yn seiliedig ar dystiolaeth i wella addysgu ar lefel ysgol gyfan

Rhoddir blaenoriaeth uchel i ddysgu proffesiynol yn Ysgol Uwchradd Aberteifi ac mae arweinwyr wedi buddsoddi amser a chyllid sylweddol ar gyfer y flaenoriaeth hon. Mae’r cyfleoedd dysgu proffesiynol a roddir i staff wedi arwain at arferion addysgu gwell a llawer mwy o gysondeb wrth gyflwyno addysgu da ar draws yr ysgol. Mae rhoi cyfle i athrawon arwain gweithgareddau dysgu proffesiynol wedi cryfhau gallu i arwain yn yr ysgol. Darllen mwy >

Teachers learning together

Annog athrawon i siarad â’i gilydd a dysgu oddi wrth ei gilydd

Mae arweinwyr yn Ysgol Gynradd Deighton wedi annog athrawon i siarad â’i gilydd a dysgu oddi wrth ei gilydd. Dros gyfnod, mae athrawon wedi agor eu hystafelloedd dosbarth i’w cydweithwyr ac wedi rhannu eu harfer ag ysgolion eraill, ac wedi dysgu oddi wrthynt. Mae athrawon yn yr ysgol yn hyderus ac yn barod i gymryd risgiau addysgegol pwyllog ac maent yn rhoi cynnig ar ddulliau a strategaethau newydd er mwyn parhau i ddatblygu’n broffesiynol. Darllen mwy >

Pages