Chwiliwch am arfer effeithiol

Teacher helps pupil in classroom

Ymagwedd systematig at ddysgu

Mae staff yn Ysgol Llwyn yr Eos wedi creu ymagwedd gydlynus a systematig at ddysgu. Mae cwricwlwm pwrpasol wedi’i deilwra i’w hanghenion penodol ar gael i’r holl ddisgyblion. Caiff y cyfuniad o strategaethau addysgu effaith hynod gadarnhaol ar gyflawniad a lles disgyblion. Defnyddir offer diagnostig i olrhain a monitro cynnydd, lles ac ymddygiad disgyblion. Mae’r broses fonitro yn dangos bod rhan fwyaf y disgyblion, gan gynnwys y rhai ag anghenion dysgu ychwanegol, yn gwneud cynnydd da a chynnydd da iawn yn aml. Darllen mwy >

Pupils working on desk

Rhoi’r grym i ddisgyblion ddysgu

Mae Ysgol Y Foryd yn cefnogi cynnydd a datblygiad disgyblion fel dysgwyr annibynnol trwy ddefnyddio strategaethau asesu ar gyfer dysgu. Mae staff yn addysgu’r disgyblion i wynebu heriau ac yn defnyddio camgymeriadau fel cyfleoedd dysgu. Rhoddir adborth adeiladol iddynt er mwyn eu helpu i ddeall yr hyn y mae angen iddynt ei wneud i wella eu gwaith. Mae disgyblion yn cyfrannu at gynllunio gwersi gyda syniadau am yr hyn yr hoffent ei ddysgu, a sut gallant gyflawni hyn. Maent yn annibynnol yn eu dysgu a gallant nodi’r hyn y mae angen iddynt ei wneud er mwyn gwella eu gwaith. Darllen mwy >

Teacher in classroom

Elwa ar frwdfrydedd disgyblion

Bu staff yn Ysgol Gynradd Trinant yn cydweithio â disgyblion ar yr hyn yr hoffent ei ddysgu. Gyda’i gilydd, fe wnaethant gyd-lunio eu taith ddysgu eu hunain. Sicrhaodd y broses hon nad oedd dysgu’n dod yn rhagweladwy a sefydlog. Defnyddiodd yr ysgol grantiau i ariannu profiadau go iawn, yn amrywio o ymchwiliadau safle trosedd i adolygu perfformiadau theatr yn feirniadol. Llwyddodd y gweithgareddau hyn i ennyn diddordeb disgyblion a helpu i ddatblygu diwylliant o ymholi, arloesedd ac archwilio. Llwyddir i elwa ar frwdfrydedd disgyblion ac mae hyn yn eu cymell i lwyddo. Darllen mwy >

Governor working with pupils

Corff llywodraethol yn helpu cryfhau gwelliant ysgol

Mae llywodraethwyr Ysgol Gynradd Trinant yn dod ag amrywiaeth o gryfderau ac arbenigedd i’r ysgol. Mae’r corff llywodraethol wedi ymrwymo’n llawn i wella’r ysgol ac yn ymgymryd â’u cyfrifoldebau o ddifrif. Mae eu gwaith yn dilyn pecyn cymorth hunanwella’r ysgol ac yn cysylltu â phroses hunanwerthuso’r ysgol. Mae hyfforddiant wedi cael effaith gadarnhaol ar effeithiolrwydd y corff llywodraethol. Maent yn cymryd rhan yn rheolaidd ym mywyd yr ysgol, sy’n galluogi iddynt weithio fel rhan o dîm ac yn rhannu nod cyffredin o ran ceisio lefel uchel o lwyddiant i ddisgyblion. Darllen mwy >

Teacher working on pupils' creative skills

Annog medrau creadigol a chorfforol ymhlith plant

Mae ymarferwyr yng Nghylch Chwarae Dwyieithog Aber-porth yn darparu gweithgareddau hwyliog ac ysgogol sy’n adeiladu ar ddiddordebau a chwestiynau plant. Cyflwynwyd ardal berfformio i ddatblygu iaith a hyder plant wrth siarad â phlant a phobl eraill neu wrth ganu a defnyddio offerynnau cerdd. Mae’r ardal greadigol hefyd yn rhoi cipolwg gwell i ymarferwyr ar ddatblygiad a chynnydd medrau echddygol manwl y plant. Maent yn defnyddio gemau cyffrous i ddatblygu medrau corfforol penodol fel ymwybyddiaeth ofodol ac addasu cyflymdra a chyfeiriad. Darllen mwy >

Teacher using puppets with students

Defnyddio pypedau i hyrwyddo dealltwriaeth emosiynol plant

Mae staff yng Nghylch Meithrin Hermon yn defnyddio pypedau i helpu plant i ddeall eu hemosiynau. Mae’r pypedau yn galluogi’r plant i ddatblygu eu medrau personol a chymdeithasol trwy feddwl am y modd y mae eu gweithredoedd yn effeithio ar deimladau’r plant eraill. Mae defnyddio pypedau wedi helpu creu ethos teuluol cynnes a chroesawgar. Mae bron pob un o’r plant yn dod yn ymwybodol o wahanol deimladau ac emosiynau. Caiff ymddygiad plant ei reoli mewn ffordd gadarnhaol ac adeiladol. Darllen mwy >

Teacher teaching welsh to class

Datblygu medrau Cymraeg ar gyfer dysgu yn y blynyddoedd cynnar

Mae ymarferwyr yng Nghylch Chwarae Dwyieithog Aber-porth yn defnyddio gweithgareddau arferol i gyflwyno’r Gymraeg ac ymadroddion Cymraeg. Mae hyn yn helpu plant i ddatblygu eu dealltwriaeth a’u hatebion yn raddol. Mae ymarferwyr yn defnyddio caneuon Cymraeg ac yn darllen storïau i’r plant yn Gymraeg. Mae’r staff yn fodelau iaith da, ac yn datblygu dealltwriaeth y plant o’r Gymraeg yn eithriadol o dda. Mae’r rhan fwyaf o’r plant yn gwneud cynnydd rhagorol o ran deall a defnyddio’r Gymraeg bob dydd. Darllen mwy >

Teacher training

Gwella datblygiad proffesiynol

Mae arweinwyr ym Meithrinfa Ddydd Little Stars yn defnyddio matrics medrau i nodi anghenion hyfforddi unigol a grŵp. Mae hyn yn sicrhau dull cyson ar draws y feithrinfa. Mae aelodau newydd o’r tîm yn datblygu’n gyflym ac mae pob un o’r ymarferwyr yn ymdrechu i wella perfformiad pobl eraill. Mae staff yn llawn cymhelliant i wella eu medrau, ac fe gaiff hyn effaith gadarnhaol iawn ar ddeilliannau plant. Mae staff yn hyderus fod eu llais yn cael ei glywed, ac mae hyn yn eu helpu i deimlo eu bod yn cael eu gwerthfawrogi a’u parchu. Darllen mwy >

Teacher helps pupil with task

Gwneud dysgu yn brofiad byw

Mae staff yn Ysgol Gynradd Ewloe Green yn gwneud i ddysgu ddod yn fyw wrth ddarparu ar gyfer pob math o ddysgwyr drwy ddulliau ymarferol. Mae hyn wedi rhoi hwb i hyder disgyblion ac wedi ennyn diddordeb y rhai sydd wedi bod yn amharod i gyfranogi yn flaenorol. Mae’r ysgol yn canolbwyntio ar chwe maes dysgu trwy gydol y flwyddyn, sy’n cysylltu â’r cwricwlwm newydd yng Nghymru. Mae gwneud dysgu yn brofiad byw wedi rhoi’r cyfle i ddisgyblion leisio’u barnau ar y modd y maent yn dysgu. Darllen mwy >

Teacher supports pupil in classroom

Creu rhwydwaith cymorth disgyblion

Mae sicrhau lefel y gofal, y cymorth a’r arweiniad yn nodwedd gref yn Ysgol Bae Baglan. Mae’r ysgol yn sylweddoli nad yw pob disgybl yn gweithio yn yr un ffordd ac mae wedi creu rhwydwaith cymorth disgyblion. Mae hyn yn cynnwys cynlluniau cymorth wedi’u teilwra, dysgu hyblyg a chymorth astudio targedig. Eir i’r afael yn llwyddiannus ag anghenion unigol disgyblion, ac yn hynod sensitif. Mae hyn yn eu helpu i ymgymryd yn gadarnhaol â’u dysgu, ac mae’r rhan fwyaf ohonynt yn gwneud cynnydd cryf. Darllen mwy >

Pages